На прэзідэнцкіх выбарах у Францыі будзе другі тур. Туды выйшлі Макрон і Ле Пэн

У другі тур прэзідэнцкіх выбараў у Францыі выходзяць дзеючы кіраўнік дзяржавы Эмануэль Макрон і лідар ультраправага «Нацыянальнага аб'яднання» Марын Ле Пэн.

_124066641_frenchelectiongettyimages_1239783202.jpg.webp

Па выніках падліку 97% бюлетэняў за Макрона аддалі голас 27,6% выбаршчыкаў, за Ле Пэн — 27,41%. Трэцяе месца заняў лідар Левай партыі «Непакорная Францыя» Жан-Люк Меланшон, якога падтрымалі крыху менш за 22% тых, хто прагаласаваў. Правы кандыдат Эрык Земмур (яго многія параўноўвалі з Дональдам Трампам) набірае ўсяго крыху больш за 7% галасоў, ён ужо заклікаў сваіх выбаршчыкаў галасаваць у другім туры за Ле Пэн.

Марын Ле Пэн у звароце да прыхільнікаў заклікала ўсіх, хто ў першым туры не прагаласаваў за Макрона, галасаваць за яе. Ле Пэн заявіла, што будзе «прэзідэнтам усіх французаў».

«Я маю намер, не адкладаючы, зашыць тыя прарэхі, ад якіх пакутуе разарваная Францыя, і з якімі дагэтуль не ўдавалася нічога зрабіць уладам», — заявіла Ле Пэн.

Меланшон заклікаў сваіх прыхільнікаў не галасаваць за правых. «У другім раўндзе не павінна быць ніводнага голасу за Ле Пен», — сказаў ён, звяртаючыся да сваіх прыхільнікаў.

З падобнымі просьбамі звярнулася да сваіх прыхільнікаў большасць іншых кандыдатаў. Кандыдат ад кансерватараў Валеры Пекрэс пры гэтым адзначыла, што Ле Пэн «гістарычна была блізкая» да Уладзіміра Пуціна, і гэта дыскрэдытуе яе.

Галасаваць за Макрона ў другім туры заклікалі таксама мэр Парыжа Ан Ідальга, камуніст Фаб'ен Русель і кандыдат ад «Зялёных» Янік Жадо.

Аналітыкі лічылі другі тур з удзелам Макрона і Ле Пэн верагодным. Апытанні перад галасаваннем паказвалі, што Макрон застаецца фаварытам, але ён апярэджваў Ле Пэн усяго на шэсць адсоткавых пунктаў.

Тыя ж апытанні паказвалі, што пакупніцкая здольнасць стала галоўным клопатам выбаршчыкаў на фоне рэзкага росту коштаў на энерганосьбіты і інфляцыі, якая расце. Ле Пэн паспяхова засяродзіла на гэтым сваю кампанію, у той час як Макрон быў больш заклапочаны вайной ва Украіне і еўрапейскай рэакцыяй на тое, што адбываецца.

Гэта значыць, што другі раўнд пройдзе паміж тымі ж самымі кандыдатамі, што і ў 2017 годзе. Тады Макрон набраў каля 66% галасоў, а Ле Пэн — каля 33%.

Пяць гадоў таму Макрон лёгка перамог Ле Пэн, але, хоць ён і працягвае дамінаваць у французскай палітыцы, на гэтых выбарах 44-гадовага прэзідэнта чакае ўпартая барацьба.

Будучы прэзідэнтам, Макрон правёў шэраг рэформаў, у прыватнасці, спрасціў для кампаній працэс звальнення работнікаў, знізіў падаткі і ўвёў жорсткія законы аб бяспецы для барацьбы з тэрарызмам. Але яму давялося адмовіцца ад прапанаванага падатку на паліва ў 2018 годзе пасля некалькіх тыдняў беспарадкаў «жоўтых камізэлек».

Паводле ВВС.