Пётр Парашэнка: права вета пастаянных чальцоў Савета бяспекі ААН — фактычна "ліцэнзія на забойства"

Прэзідэнт Украіны Пётр Парашэнка лічыць, што цяперашняе права вета пастаянных чальцоў Савета бяспекі ААН у пытаннях, якія тычацца масавых забойстваў, фактычна з'яўляецца "ліцэнзіяй на забойства", адзначае .



У інтэрв'ю ўкраінскім тэлеканалам напярэдадні сваёй паездкі на Генеральную Асамблею ААН Парашэнка распавёў аб планах закрануць пытання рэформы Савета бяспекі ААН.

"Ініцыятыва [заключаецца ў тым], каб мы абмежавалі права пастаянных чальцоў Савета Бяспекі ААН на прымяненне права вета ў тых выпадках, калі гаворка ідзе аб масавых забойствах людзей. Бо нават з маральнага пункту гледжання, прымяненне права вета ў такіх выпадках — гэта ліцэнзія на забойства. Яно сёння стварае сур'ёзныя перашкоды справядліваму і бесстаронняму расследаванню або прымяненню ААН тых інструментаў і рычагоў, якія ёсць у распараджэнні", — падкрэсліў Пётр Парашэнка.

У суботу ён разам з украінскай дэлегацыяй вылецеў у Нью-Ёрк для ўдзелу ў 70-й сесіі Генасамблеі арганізацыі Аб'яднаных Нацый.

Парашэнка таксама лічыць неабходным распачаць крокі для вяртання ролі ААН у якасці механізму забеспячэння глабальнай бяспекі.

"Мы будзем ажыццяўляць рашучыя крокі для абароны суверэнітэту і тэрытарыяльнай цэласнасці і незалежнасці Украіны — з аднаго боку, і з другога боку, на ўзроўні ААН мы павінны прапанаваць тыя змены, якія вернуць гістарычную місію або ролю ААН (уключаючы Савет бяспекі ААН), як механізму забеспячэння глабальнай бяспекі", — сказаў прэзідэнт Украіны журналістам пасля прыбыцця ў Нью-Ёрк.

Ён зноў адзначыў, што Расія, з'яўляючыся адной з краін — пастаянных чальцоў Савета бяспекі ААН, блакуе дзеянні, якія спрабуе распачаць Савет бяспекі. У гэтай сітуацыі, упэўнены прэзідэнт Украіны, неабходна альбо павысіць эфектыўнасць ААН, альбо ствараць новыя механізмы бяспекі.

"Мне вельмі прыемна, што гэтую пазіцыю Украіны, маю пазіцыю, сёння падтрымлівае вялікая колькасць краін ААН, саініцыятарам выступіла Францыя, учора падтрымала Германія, і многія краіны-чальцы ААН сёння за тое, каб мы рэфармавалі гэтую арганізацыю", — цытуе Парашэнку "Інтэрфакс".

Добраахвотна адмовіцца ад права вета ў выпадках "масавых забойстваў" пастаянным членам Савета бяспекі ААН прапанавала Францыя. Пры гэтым Расія, якая рэгулярна карыстаецца гэтым правам у пытаннях па канфліктаў у Сірыі і на ўсходзе Украіны, выступае супраць рэформы. Сталы прадстаўнік Расіі ў ААН Віталь Чуркін раней заявіў, што ў ініцыятыве Францыі "шмат суб'ектыўнага", а вета прымушае працаваць над кансенсуснымі рашэннямі.

Парашэнка пацвердзіў таксама, што "на палях" Генасамблеі адбудзецца яго сустрэча з прэзідэнтам ЗША Баракам Абамам.

Акрамя таго, ён паведаміў, што 2 кастрычніка ён сустрэнецца з прэзідэнтам Расіі Уладзімірам Пуціным на перамовах у "нармандскім фармаце".