Спляжаныя танкамі дарогі, узарваныя масты, пашкоджаныя машыны... Наступствы аднадзённага маршу

Улады РФ спрабуюць выставіць завяршэнне бунту Прыгожына як свой поспех. І замоўчваюць наступствы. 

Пасля заканчэння «Маршу справядлівасці», абвешчанага кіраўніком ПВК “Вагнера” Яўгенам Прыгожыным, расійскія ўлады імкнуцца паказаць, што такі вынік завяршэння бунту — іх заслуга. Прэс-сакратар прэзідэнта Дзмітрый Пяскоў заявіў, што «сітуацыю» атрымалася развязаць «без далейшых страт» і «павышэння ўзроўню напружанасці». 

Расійскія СМІ паведамілі грамадзянам, што крызіс вырашыўся дзякуючы адзінству і згуртаванасці людзей і ўсіх галін улады вакол прэзідэнта. Вядучы першага канала сказаў, калі прыгадваў складаны дзень 24 чэрвеня, адзначыў: «Абышлося без панікі, але дзеянні падначаленых Прыгожына даставілі людзям мноства непрыемнасцяў». Яны — гэта значыць непрыемнасці — даволі хутка вырашыліся, як толькі ўсё скончылася, жыццё зноў закіпела, дадаў рэпарцёр.

Са слоў расійскіх прапагандыстаў, паход ПВК “Вагнера” на Маскву быў спробай заходніх спецслужбаў «разгайдаць» сітуацыю ўнутры краіны — і «праверкай на сталасць», якую Расія прайшла ўжо не ў першы раз. 

Пры гэтым значна менш увагі надаецца стратам, якія панесла Мінабароны, і шкодзе, нанесенай інфраструктуры расійскіх гарадоў, куды зайшлі вагнераўцы. 

«Медуза» паказвае, якія разбурэнні пакінулі пасля сябе вагнераўцы.

Растоў-на-Доне

У Растове-на-Доне, які байцы ПВК “Вагнера” захапілі да раніцы 24 чэрвеня, пасля сыходу наймітаў пашкоджана больш за 10 тысяч квадратных метраў дарогі. Прынамсі, пра гэта паведамляе гарадская мэрыя. 

Больш за ўсё пацярпеў адзін з галоўных праспектаў Растова — Будзёнаўскі. Менавіта там размешчаны будынак штаба Паўднёвай ваеннай акругі, які ўтрымлівалі мяцежнікі.

Пашкоджаныя і вароты Растоўскага цырка, у якіх цэлы дзень прастаяў танк ПВК Вагнера. Першапачаткова паведамлялася, што танк там захрас, аднак пазней СМІ адзначылі, што тэхніка «спецыяльна блакавала адзін з фасадаў штаба Паўднёвай ваеннай акругі, які мяжуе з цыркам».

Траса М – 4 «Дон» і прылеглыя да яе дарогі

Растоў-на-Доне і Маскву злучае Федэральная траса М-4 «Дон», якая праходзіць праз Варонежскую, Ліпецкую і Тульскую вобласці. Адлегласць па трасе паміж Растовам і расійскай сталіцай — 1079 кіламетраў.

Рэгіянальныя ўлады папрасілі жыхароў устрымацца ад паездак і ўсяляк перашкаджалі праезду наймітаў. Аднак байцы ПВК Вагнера пераадолелі загароды з фур.

Наступствы прарыву перакрыцця, выбудаванага з “Камазаў”, па шляху руху калоны наймітаў на трасе М–4 — як мяркуецца, каля ракі Ікорац, з паўднёвага боку ад Варонежа. Sota

Калі калона ПВК Вагнера праязджала міма Варонежа па аб'язной дарозе, яе атакавалі ўдарныя верталёты Сіл РФ. Як мінімум адзін грузавік быў знішчаны. Каму належаў транспарт, невядома.

Увечары на мосце, размешчаным паміж пасёлкам Анна і горадам Барысаглебскам у Варонежскай вобласці, адбыўся выбух. У выніку атрымалі глыбокія парэзы муж з жонкай і іх трохгадовае дзіця, якія ехалі на аўтамабілі ў сяло Брадавае. Ім спатрэбілася медыцынская дапамога.

На мяжы Ліпецкай і Разанскай абласцей улады загадалі перакапаць экскаватарамі дарогі, каб запаволіць прасоўванне атрадаў ПВК Вагнера.

Тым жа вечарам супрацоўнікі камунальных службаў латалі ямы на трасе.

Варонежская вобласць

У Варонежы 24 чэрвеня загарэлася нафтабаза. Губернатар Аляксандр Гусеў сцвярджаў, што на аб'екце адбылася разгерметызацыя рэзервуара з нафтапрадуктамі. Паводле відэа і слоў відавочцаў, над нафтабазай праляцеў ваенны верталёт, пасля чаго адбыўся выбух. Пажар патушылі праз 12 гадзін, пажар тушылі больш за сто чалавек. Ва ўпраўленні МНС па Варонежы паведамілі, што агонь знішчыў рэзервуар з авіяцыйным палівам у пяць тысяч кубічных метраў на плошчы 800 квадратных метраў.

У двары ВК «Азёры», размешчанага ў Левабярэжнай раёне Варонежа, у выніку траплення снарада адбыўся выбух.

Пацярпелі некалькі прыпаркаваных там аўтамабіляў.

Таксама ўлады Варонежскай вобласці паведамлялі, што падчас перастрэлкі з наймітамі каля вёскі Елізаветаўка пашкоджанні атрымалі 19 домаўладанняў.