Замежныя СМІ пра Беларусь: 14-20 красавіка
Рэальным крытэрам дабрабыту народа з’яўляюцца суадносіны прыбыткаў і ўзроўню спажывання. І Беларусь па гэтым паказчыку заўсёды прайгравала нават найбліжэйшым суседзям. У структуры спажывання беларусаў выдаткі на прадукты нават з улікам «сацыяльных коштаў» дасягалі 60 працэнтаў ад усіх іх прыбыткаў. Гэта паказчык беднай краіны. Сістэма гаспадаркі, якая прынята ў Беларусі, на мяжы краху. Спачатку з катэгорыі сацыяльна значных прадуктаў выпалі садавіна і гародніна, цяпер па рынкавых коштах прадаецца малако. На чарзе — падаражанне хлеба.
Рэальным крытэрам дабрабыту народа з’яўляюцца суадносіны прыбыткаў і ўзроўню спажывання. І Беларусь па гэтым паказчыку заўсёды прайгравала нават найбліжэйшым суседзям. У структуры
спажывання беларусаў выдаткі на прадукты нават з улікам «сацыяльных коштаў» дасягалі 60 працэнтаў ад усіх іх прыбыткаў. Гэта паказчык беднай краіны. Сістэма гаспадаркі, якая прынята
ў Беларусі, на мяжы краху. Спачатку з катэгорыі сацыяльна значных прадуктаў выпалі садавіна і гародніна, цяпер па рынкавых коштах прадаецца малако. На чарзе — падаражанне хлеба. Без
структурных рэформаў у эканоміцы рост коштаў на харчаванне непазбежны.
«Deutsche Welle» (Германія)
Прашэнне пра памілаванне ва ўмовах, калі Саннікаву рэальна пагражала смерць у турме, не ганьба. Нават калі Андрэй адмовіцца ад барацьбы, сыдзе ў прыватнае жыццё ці адправіцца ў эміграцыю, ніхто не
мае права яго асуджаць. Але, думаю, намеснік міністра замежных спраў і кандыдат у прэзідэнты здавацца не мае намеру. Пасля ўсяго, што здарылася, ён мае ўсе шанцы ў будучыні стаць лідарам
аб’яднанай апазіцыі. Выхад на волю Саннікава і Бандарэнкі — сапраўдная параза Лукашэнкі.
«Коммерсант» (Расія)
Прэзідэнт Беларусі Аляксандр Лукашэнка хоць і працягвае моцна залежаць ад Расіі, аднак гэта не памяншае яго запалу па прасоўванні ў рамках Еўразійскага саюзу такіх структур, якія б цвёрда абаранялі
нацыянальны суверэнітэт. Еўразійскі скептыцызм Лукашэнкі сакрэтна падзяляюць і іншыя лідары ў рэгіёне. Яны гатовыя пайсці на пэўныя саступкі Расіі, але не гатовыя аддаваць незалежнасць, якая так
цяжка ім дасталася. Са свайго боку, Расія не хоча станавіцца еўразійскім эквівалентам Германіі — рэгіянальнай чэкавай кніжкай, якая з’яўляецца гарантам працэсу інтэграцыі і аплачвае
рахункі менш буйных дзяржаў.
«The National Interest» (ЗША)
Летась краіна перажыла крызіс, калі рубель абваліўся прыкладна ў тры разы і шматлікія аглядальнікі лічаць, што гэта, нароўні з ціскам Захаду, паставіла Лукашэнку ў небяспечнае становішча. Для
Лукашэнкі палітычныя зняволеныя — гэта тавар. Цяпер склалася такая сітуацыя, калі ён занадта доўга ўздымаў кошт, і ў выніку Захад адмаўляецца гандлявацца.
«Fox News» (ЗША)
Калі ў Брусэлі і Вашынгтоне не паслабяць ціскі на беларускія ўлады, даб’юцца вызвалення ўсіх палітвязняў і захаваюць зачыненымі дзверы для чыноўнікаў і бізнэсмэнаў, датычных да злачынстваў
апошніх дзесяцігоддзяў, — значыць, ужо неўзабаве мы будзем сведкамі з’яўлення новай Беларусі. Калі ж на Захадзе палічаць, што Лукашэнка павінен быць узнагароджаны, і лепш
падтрымліваць яго гульню ў суверэнітэт, тады Лукашэнка будзе яшчэ доўга здзекавацца з Брусэлю, Вашынгтону, Масквы і з уласнага народа.
«Политком» (Расія)
Аляксандр Лукашэнка зрабіў перастаноўкі ў Камітэце дзяржбяспекі краіны. У галоўным сілавым ведамстве яшчэ больш умацаваліся пазіцыі старэйшага сына прэзідэнта Віктара Лукашэнкі. Віктар, пад чыім
кантролем цяпер знаходзяцца спецслужбы, змяняе старыя кадры, якія мелі цесныя асабістыя сувязі з расійскімі калегамі. Замест іх з’яўляюцца маладыя людзі са слабым вопытам. Асноўным
аргументам у павышэнні па службе з’яўляецца надзейнасць і асабістая адданасць «сям’і».
a_ukraina (Украіна)