Генпракуратура выдала тролінг за «першы зварот» у «камісію па вяртанні збеглых»
У камісію па вяртанні выехаўшых беларусаў пачалі паступаць звароты, заявіла кіраўніца ўпраўлення Генеральнай пракуратуры Анжаліка Курчак. Па яе словах, першы зварот напісала 35-гадовая жанчына.
«Першай напісала 35-гадовая мінчанка, якая з'ехала за мяжу ў кастрычніку 2020 года. Яна не паведаміла аб учыненых правапарушэннях або злачынствах, а выказала толькі асцярогі з-за яе магчымай датычнасці да якіх-небудзь супрацьпраўных дзеянняў», — сказала Курчак.
Паводле яе слоў, жанчына не паказала «іншыя звесткі, неабходныя для такога звароту», таму яе зварот пакуль разгледжаны не будзе.
«Пасля дапаўненні звароту ён будзе разгледжаны камісіяй па сутнасці, і заяўнік атрымае адказ», — заявіла Курчак.
«Не бачу падставаў у чымсьці раскайвацца, але маё меркаванне можа не супадаць з пазіцыяй камісіі. Хацелася б вярнуцца на радзіму аднойчы», — напісала Вольга.
Скрыншот Белс*т
Нагадаем, у Беларусі стварылі камісію для «падтрымання грамадзянскай згоды, забеспячэння рэалізацыі канстытуцыйных правоў і свабод беларускіх грамадзян». У яе мае права звярнуцца беларусы, якія «здзейснілі ў перыяд з 1 студзеня 2020 года да ўступлення ў сілу гэтага ўказа адміністрацыйныя правапарушэнні або злачынствы пратэснай накіраванасці, асцерагаюцца вяртання ў краіну ў сувязі са сваёй магчымай датычнасцю да здзяйснення такіх правапарушэнняў, злачынстваў».
Звароты ў камісію на рускай або беларускай мовах могуць быць накіраваны грамадзянамі ў тэрмін да 31 снежня 2023 года ў пісьмовай або электроннай форме з дадаткам неабходных дакументаў. У звароце неабходна выкласці ўсю інфармацыю аб «прычынах, па якіх грамадзянін пакінуў тэрыторыю Рэспублікі Беларусь, абставінах, у сувязі з якімі яго могуць прыцягнуць да адказнасці».
Згодна з указам, асобы, якія звярнуліся ў камісію, павінны раскаяцца ў зробленым, прынесці публічныя прабачэнні, пакрыць прычыненую шкоду.