Колькасць ровараў і аўтамабіляў у Мінску практычна зраўнялася

«Цудоўная навіна — ровараў у Мінску 811 тысяч. Гэта прыкладна столькі ж, колькі і легкавых аўтамабіляў». Такія дадзеныя, атрыманыя ў выніку сацыялагічнага даследавання, прадставіла напярэдадні адкрыцця ў сталіцы форуму «ПраРовар» намеснік дырэктара Цэнтра экалагічных рашэнняў Дар'я Чумакова.

rovar_4.jpg


Па справах і проста такПа словах Дар'і Чумаковай, даследаванне, якое праводзілася кампаніяй Novak ў жніўні-верасні гэтага года, паказала, што колькасць ровараў і легкавых аўтамабіляў у Менску «прыкладна аднолькавая».
«Радасная навіна для роварнага бізнэса складаецца ў тым, што больш за 40% дарослых мінчан ужо маюць ровары, але прыкладна столькі ж людзей хацелі б мець яшчэ, — адзначыла на прэзентацыі Дар'я Чумакова. — Значыць, у бліжэйшыя некалькі гадоў, будзе набыта яшчэ вельмі шмат ровараў».

rovar_3.jpg

Такая ж тэндэнцыя «на валоданне і павелічэнне валодання» назіраецца на рынку самакатаў і гіраскутэраў.
Цікава, што практычна 18% мінчан, ужо якія валодаюць роварамі, выкарыстоўваюць іх кожны дзень.
«Гаворачы ў абсалютных лічбах, у Мінску ад 111 да 120 тысяч гараджан можна назваць актыўнымі раварыстыстамі», — падкрэсліла намеснік дырэктара ЦЭР.
Мінчане дабіраюцца на роварах на працу, ездзяць па справах, на вучобу, але таксама проста катаюцца, выкарыстоўваючы іх для адпачынку або забавы.

Навошта ровар у горадзе?

Ровар можа стаць добрай альтэрнатывай перасоўванню пешшу і на грамадскім транспарце. Але многія гараджане ўпэўнены, што для гэтага патрэбныя асаблівыя ўмовы надвор'я — гэта паказала даследаванне.

rovar_2_1.jpeg

«Мы запыталіся ў пешаходаў і раварыстаў — ці згодны яны са сцвярджэннем, што роварам немагчыма карыстацца круглы год. Вынікі нас не здзівілі — 53% людзей лічыць, што ён не падыходзіць для круглагадовага выкарыстання», — распавяла Дар'я Чумакова.
У тым, што ровар ніколі не заменіць аўтамабіль, перакананы кожны пяты жыхар сталіцы. Многія адказвалі, што аўтамабіль — гэта іх працоўная неабходнасць, сродак заробку і нават магчымасць выконваць дрэс-код.
Амаль для пятай часткі апытаных ровары — толькі сродак адпачынку.
«Раварысты выкарыстоўваюць ровар, каб весці здаровы лад жыцця. І гэта вельмі добрая навіна, таму што мінчане разумеюць, што здароўе — гэта важна, а ровар з'яўляецца яго часткай», — адзначыла Дар'я Чумакова.

Чаму мінчукі не хочуць ездзіць на ровары на працу

Перашкодамі, якія замінаюць выкарыстоўваць ровар як паўсядзённы транспарт мінчане называюць непадыходную дыстанцыю ад дому да працы, узроставыя абмежаванні, немагчымасць пераапрануцца і прыняць душ у офісе, ну і ўсё тыя ж ўмовы надвор'я.

rovar_4_1.jpg

Акрамя таго, па дадзеных даследавання, у мінчукоў няма такіх матыватараў, як зручныя паркоўкі для ровараў каля месца працы ці вучобы.
«Гэта добры маркер для тых, хто працуе з гарадской інфраструктурай, і для бізнесу — паркоўкі для ровараў могуць стаць рашэннем па прыцягненні кліентаў», — падкрэсліла намеснік дырэктара Цэнтра экалагічных рашэнняў.

Бяспека і зручнасць

«Мінскія раварысты лічаць, што яны змогуць ездзіць ці катацца на ровары часцей, калі ў горадзе стане больш роварных сцяжынак, калі яны стануць больш бяспечнымі», — адзначыла падчас прэзентацыі Дар'я Чумакова.

rovar_5.jpg

Для раварыстаў таксама важна, як да іх ставяцца іншыя ўдзельнікі руху. Паводле дадзеных, атрыманых у выніку праведзенага даследавання, 37% мінчан, якія ездзяць на працу на ровары, сутыкаліся з агрэсіяй з боку аўтамабілістаў.
«Агрэсія з боку пешаходаў выяўляецца яшчэ часцей. З ёй сутыкаліся 47% актыўных веласіпедыстаў і 19% тых, хто выкарыстоўвае ровар для адпачынку і вольнага часу», — падкрэсліла Дар'я Чумакова.
З гэтага даследнікі робяць выснову, што ў сталіцы, і ў цэлым у Беларусі, трэба вырашаць праблему і з бяспекай роварных сцяжынак і выдзеленай паласой на праезнай часткі.

Палепшыць або пакараць рублём

Між тым, на днях стала вядома аб ініцыятыве дырэктара «Мотавелазавода» і былога старшыні Мінгарвыканкама Мікалая Ладуцькі пра тое, каб увесці утылізацыйны збор на мота- і велапродукцыю.
Ладуцька плануе такім чынам вырашыць праблему канкурэнтаздольнасці беларускіх ровараў на рынку.
Калі такое рашэнне знойдзе водгук у заканатворчых колах, яно напэўна затармозіць развіццё роварнага руху ў краіне.
Паводле greenbelarus.info