У Беларусі прызналі «экстрэмісцкімі» кнігі Уладзіміра Арлова і нобелеўскага лаўрэата Іосіфа Бродскага

Улады Беларусі працягваюць пашыраць літаратурны «чорны спіс». «Экстрэмісцкай» прызнана судом Цэнтральнага раёна Мінска кніга Уладзіміра Арлова і Паўла Татарнікава «Айчына: Маляўнiчая гiсторыя. Ад Рагнеды да Касцюшкi» (2016-га года выдання).

Таксама суд Цэнтральнага раёна Мінска прызнаў «экстрэмісцкай» кнігу нобелеўскага лаўрэата па літаратуры Іосіфа Бродскага (памёр у 1996 годзе) «Балада пра маленькi буксiр» (у 2022-м яна выйшла ў выдавецтве «Янушкевіч»).

Як нагадвае «Е*рарадыё», сёлета ў Беларусі былі прызнаны «экстрэмісцкімі» кніга Віктара Ляхора «Ваенная гісторыя Беларусі. Героі. Сімвалы. Колеры», зборнік Змітра Лукашука і Максіма Гарунова «Беларуская нацыянальная ідэя», раман Альгерда Бахарэвіча «Сабакі Еўропы», кніга Анатоля Тараса «Кароткі курс гісторыі Беларусі IX — XXI стст.», манаграфія Святланы Казловай «Аграрная палiтыка нацыстаў у Заходняй Беларусi: Планаванне. Забеспячэнне. Ажыццяўленне». Усе яны — у «рэспубліканскім спісе экстрэмісцкіх матэрыялаў».


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: