«Нават прыхільнікі Лукашэнкі не ўхваляюць ператварэнне краіны ў адну з федэральных акругаў»
У час сустрэчы лідараў Еўропы — удзельнікаў Joint Expeditionary Force — прэзідэнт Украіны Уладзімір Зяленскі нечакана згадаў Беларусь як адну з краін, якая ўкладзецца ў будучую лінію геапалітычнай стабільнасці. Ці выпадкова гэта, тлумачыць украінскі Цэнтр беларускіх камунікацый.
Прэзідэнт Украіны Уладзімір Зяленскі акрэсліў новы геапалітычны пояс стабільнасці: ад Скандынавіі праз Мінск і Кіеў да Паўднёвага Каўказа. Гэта адбылося падчас сустрэчы лідараў Еўропы — удзельнікаў Joint Expeditionary Force. Гэта азначае, што Беларусь будзе ўпісаная ў новы саюз, і без яе свае будучыя межы ЕС ужо не ўяўляе.
Для Беларусі гэта выдатны знак — спічрайтары прэзідэнта Украіны нячаста пішуць тэксты, якія не будуць ухвальна ўспрынятыя ў Еўропе. Відавочна, менавіта гэты тэзіс, агучаны ўкраінскім лідарам, і хацелі пачуць лідары сусветных дзяржаў.
«Усе мы цяпер — на гістарычным павароце. Варыянтаў толькі два: альбо тэрарыстычнай Расіі ўдасца зламаць свабоду, і тады ўсім нашым кантынентам распаўсюдзіцца зона геапалітычнай нестабільнасці, якая існуе на ўсходзе Еўропы, альбо, дзякуючы шматлікім узроўням і фарматам супрацоўніцтва, у прыватнасці рэгіянальным, дзякуючы нашай агульнай абароне свабоды Расія прайграе ў гэтым супрацьстаянні. І калі яна прайграе, як вынік, будзе рэалізаваны гістарычны шанец на геапалітычную стабільнасць па ўсёй лініі ад Скандынавіі праз Мінск і Кіеў да Паўднёвага Каўказа», — сказаў Зяленскі.
Гэтыя словы кіраўніка Украіны сустрэлі ветлівымі апладысментамі. Але за імі крыецца значна больш глыбокі падтэкст.
Насамрэч, калі б Беларусь нават не ўспомнілі, усе б гэта зразумелі. Рэжым Лукашэнкі ўжо прывыклі атаясамліваць з Пуціным. Аднак не ўсё так проста.
Беларусь — гэта не Расія. Гэты тэзіс на Захадзе дэмакратычныя сілы прасоўваюць ужо некалькі гадоў. Але, падобна, не ў апошнюю чаргу менавіта дзякуючы падтрымцы Украіны сусветныя лідары нарэшце сталі разглядаць магчымасць уключэння гэтай краіны ў будучы пояс бяспекі.
Ёсць вынікі сацапытанняў. Паводле іх, толькі 8% беларусаў падтрымлівае размыванне сваёй краіны ў рамках Федэрацыі з РФ. Яшчэ раз — супраць далучэння да Расіі выступае пераважная большасць грамадзян Беларусі.
Падтрымка Аляксандра Лукашэнкі грунтуецца толькі на паперы. Нават тыя, хто цяпер выступае за ягоную кандыдатуру ў якасці кіраўніка дзяржавы, не ўхваляюць ператварэнне сваёй краіны ў адну з федэральных акругаў Расіі.
Гучыць цынічна, але гісторыя падказвае: многія з сённяшніх паслугачоў рэжыму пасля звяржэння дыктатуры Лукашэнкі будуць найбольш заўзята выступаць за поўны разрыў усіх стасункаў з Крамлём. Ім трэба будзе захаваць жыццё, свабоду і пасады. Ніякага супраціву ўнутры краіны не будзе. Але справяцца і без іх — беларусы сапраўды ніколі не хацелі быць пад Масквой.
Уваходжанне Беларусі ў кола еўрапейскіх краін, стварэнне новага Балта-Чарнаморскага Саюза – наступная мара для будучых пакаленняў. А, можа, ужо і для цяперашніх. Словамі аб магутнай вертыкалі ад Скандынавіі аж да Паўднёвага Каўказа акрэслены той кірунак, што задала для ўсіх Еўропа.
Гэта з'яўляецца надзеяй для ўсіх згвалтаваных Расіяй краін: Грузіі, Арменіі і Беларусі. Грамадству выразна далі зразумець: перамога абавязкова будзе. Колькі прыйдзецца змагацца, бог ведае. Але менавіта гэтыя дзяржавы Захад разглядае без прывязкі да постацяў дыктатараў або прыхвасняў Масквы, якія цяпер іх узначальваюць.
А Беларусь абавязкова будзе свабоднай.
Яе чакаюць у Еўропе.
Даведка: Joint Expeditionary Force (Аб'яднаныя экспедыцыйныя сілы) — гэта абароннае супрацоўніцтва паміж дзесяццю краінамі Паўночнай Еўропы: Вялікабрытаніяй, Даніяй, Ісландыяй, Латвіяй, Літвой, Нідэрландамі, Нарвегіяй, Фінляндыяй, Швецыяй і Эстоніяй.