Дональд Трамп раптам вырашыў сустрэцца з кіраўніком КНДР. А потым перадумаў

Прэзідэнт ЗША Дональд Трамп у суботу спантанна запрасіў лідара КНДР Кім Чэн Ына сустрэцца на мяжы Паўночнай і Паўднёвай Карэі. Менш чым праз суткі ў Белым доме паведамілі, што сустрэчы з Кім Чэн Ынам у планах амерыканскага лідара няма.

Аб планах сустрэцца з кіраўніком КНДР Трамп напісаў у "Твітэры" напярэдадні візіту ў Паўднёвую Карэю.
Першапачаткова паведамлялася, што мэта візіту — выратаваць перамовы з Паўночнай Карэяй аб дэнуклеарызацыі, што зайшлі ў тупік
"Калі старшыня Паўночнай Карэі Кім убачыць гэта [паведамленне], я б сустрэўся з ім на Мяжы / у ДМЗ [дэмілітарызаванай зоне], каб проста паціснуць яму руку і сказаць "прывітанне(?)!"— гаворыцца ў паведамленні ў "Твітэры" (пунктуацыя захаваная).
Паўночнакарэйскае афіцыйнае агенцтва ЦТАК у адказ распаўсюдзіла заяву першага намесніка міністра замежных спраў Цой Сон Хі: "Мы разглядаем гэта як вельмі цікавую ідэю, але афіцыйнай прапановы не атрымлівалі".
На саміце G20 у японскай Осацы прэзідэнт ЗША растлумачыў сэнс свайго твіты і заявіў, што раніцай суботы, 29 чэрвеня, ён вырашыў "закінуць вуду" да Кім Чэн Ына.
"Калі ён пачуе, мы правядзем сустрэчу за дзве хвіліны — і гэтага будзе дастаткова", — сказаў Трамп журналістам на пачатку дзелавога сняданку з наследным прынцам Саудаўскай Аравіі Мухамедам бін Салманам.
Аднак у суботу ў Белым Доме разаслалі працоўны графік Трамп, дзе на наведванне зоны, якая падзяляе Поўнач і Поўдзень Карэі, адводзіцца 15 хвілін: непасрэдна на яе агляд выдзелена 10 хвілін, астатні час — на перасоўванне. Ні пра якія сустрэчы не паведамляецца.

У якім стане знаходзяцца адносіны ЗША і Паўночнай Карэі?

Двухбаковыя адносіны сапсаваліся з тых часоў, як Трамп і Кім у апошні раз бачыліся асабіста ў в'етнамскім Ханоі ў лютым бягучага года.
Саміт — другі па ліку пасля Сінгапура ў чэрвені 2018 года — раптам завяршыўся без пагаднення з нагоды прагрэсу Паўночнай Карэі на шляху да дэнуклеарызацыі. Трамп пакінуў перамовы, ухіліўшыся ад заключэння таго, што палітык лічыў дрэнным пагадненнем.
Раней прэзідэнт ЗША неаднаразова настойваў на тым, што Пхеньян павінен правесці ядзернае раззбраенне да таго, як будуць знятыя эканамічныя санкцыі супраць КНДР.
За час з Ханойскай сустрэчы КНДР не раз рызыкавала наклікаць на сябе гнеў адміністрацыі Трампа пасля чарговых выпрабаванняў ракет малой далёкасці.
Аднак кіраўнік дзяржавы, які калісьці пагражаў Паўночнай Карэі "агнём і лютасцю" ЗША, у апошнія месяцы заняў больш прымірэнчую пазіцыю і досыць цёпла адгукаўся пра Кім Чэн Ыне.
На мінулым тыдні ён пдслаў лідару КНДР прыватны ліст, змест якога сам Кім ахарактарызаваў як "выдатны".
Раней у чэрвені Трамп заявіў журналістам, што Паўночная Карэя пад уладай Кім Чэн Ына мае "надзвычайны патэнцыял".
У ходзе візіту ў Японію ў траўні Трамп назваў Кіма "вельмі разумным хлопцам" і сказаў, што чакае "мноства добрых навін" з Паўночнай Карэі.
Паводле BBC