Нічога не нагадвае? Як баевікі на тэрыторыі чужой краіны ўласную дзяржаву будавалі
Чаму вучыць гісторыя? Калісьці палесцінскія баевікі, якія пасля Шасцідзённай вайны мусілі пакінуць Ізраіль, атрымалі прытулак у Іарданіі. Аднак неўзабаве яны з шэрагаў бежанцаў пачалі будаваць сваю дзяржаву ў дзяржаве.
![356232143_6718912621465297_3190614266019283682_n.jpg 356232143_6718912621465297_3190614266019283682_n.jpg](/img/v1/images/356232143_6718912621465297_3190614266019283682_n.jpg?f=f&h=396&o=0&u=1715395350&w=528)
Лукашэнка на сустрэчы з Хрэніным: «Цяпер шмат размоў і балбатні: Вагнер, Вагнер, Вагнер. Людзі не разумеюць, што і мы прагматычна да гэтага падыходзім». «Калі іх камандзіры прыедуць да нас і дапамогуць нам... вопыт. Слухай, яны на перадавой — штурмавыя атрады. Раскажуць нам, што цяпер важна. Вось мне Пуцін апошні раз сказаў: контрбатарэйная барацьба, без гэтага немагчыма. Беспілотнікі. Яны праз гэта прайшлі.
Яны раскажуць пра зброю: якая добра працавала, якая не. І тактыка, і ўзбраенне, і як наступаць, як абараняцца. Гэта неацэнна. Вось гэта нам ад вагнераўцаў трэба ўзяць», — марыць беларускі кіраўнік і супакойвае. — Баяцца іх няма чаго. Мы ж вуха востра трымаем» (перадае яго словы БелТА).
Расійскі блогер Дзмітрый Чарнышоў з нагоды перамяшчэння групы Вагнера ў Беларусь нагадвае на сваёй старонцы ў фэйсбуку, што падобная сітуацыя адбылася ў Іарданіі.
Глядзіце таксама
![Адмыслоўцы: Інфармацыі пра пабудову лагера для "Вагнера" ў Беларусі няма «Беларускі Гаюн»: пацвярджэння інфармацыі пра будаўніцтва лагера для «Вагнера» ў Беларусі няма](/img/v1/images/ae97baea8df869db978ab0fc4acc7077.webp?f=c&h=360&o=0&u=1715395350&w=660)
«Пасля маланкавага разгрому ў Шасцідзённай вайне кароль Хусейн (сын караля Талала, які пакутаваў на шызафрэнію, і ўнук караля Абдалы, забітага палесцінскім тэрарыстам) прыняў на тэрыторыі сваёй краіны ўцекачоў з Ізраіля — арабаў і іх сем'і. Але перш за ўсё — баевікоў. Там пасяліліся амаль усе палесцінскія тэрарыстычныя арганізацыі.
Баевікі пачалі захопліваць пасажырскія самалёты і саджаць іх у Амане (нічога не нагадвае?). Баевікі захапілі адзіны ў Іарданіі НПЗ (нічога не нагадвае?). Баевікі пачалі будаваць на тэрыторыі чужой краіны ўласную дзяржаву (гэта будзе для Лукашэнкі сюрпрызам).
А потым баевікі пачалі рыхтаваць узброены мяцеж супраць караля Хусейна, які прытуліў іх. Гэтыя падзеі ўвайшлі ў гісторыю як «Чорны верасень». Хусейн абвясціў у краіне ваеннае становішча. Пачалася вайна, у якой палесцінскіх баевікоў актыўна падтрымала суседняя Сірыя, якая накіравала туды сваю бранятанкавую дывізію. Гэта было адной з рэдкіх падзей, калі сірыйскія (савецкія) Т-55 разграмілі іарданскія (брытанскія) «Цэнтурыёны» часоў Другой сусветнай. Агульныя страты дасягнулі 25 000 чалавек, але Іарданія здолела атрымаць перамогу.
У выніку кароль Хусейн выгнаў з краіны 150 000 палесцінскіх уцекачоў, якіх ён прытуліў, а баевікам давялося перанесці свае базы ў суседні Ліван».
![czarnyszou.jpg czarnyszou.jpg](/img/v1/images/czarnyszou.jpg?f=f&h=396&o=0&u=1715395350&w=528)
Глядзіце таксама
![Рэжым трымаецца на дзвюх хісткіх апорах — і іх трэба выбіваць Рэжым трымаецца на дзвюх хісткіх апорах — і іх трэба выбіваць](/img/v1/images/dali_1.jpg?f=c&h=360&o=0&u=1715395350&w=660)
«Чорны верасень» — узброены канфлікт паміж баевікамі Арганізацыі вызвалення Палесціны і ўзброенымі сіламі Іарданіі, актыўная фаза якога працягвалася з 16 па 27 верасня 1970 года. У гэты час кароль Хусейн у Іарданіі пачаў спрабаваць аднавіць кантроль над сітуацыяй у краіне і падаўляць палесцінскія баявыя арганізацыі. Гэта прывяло да гібелі тысяч людзей, у пераважнай большасці палесцінцаў. Узброеныя канфлікты ў краіне працягваліся да ліпеня 1971 года. Канфлікт завяршыўся высылкай тысяч палесцінскіх баевікоў у Ліван, куды былі таксама перанесены штаб-кватэры палесцінскіх арганізацый, у тым ліку Арганізацыі вызвалення Палесціны.
Глядзіце таксама
![Выкінуць тэлевізіа — і застацца чалавекам Як расчалавечвае прапаганда: Чалавеку неверагодна складана забіць іншага чалавека](/img/v1/images/mini_magick20190213_208_1igiieb.jpg?f=c&h=360&o=0&u=1715395350&w=660)