Расійскія спецслужбы чарговы раз праспалі тэракт

Прынамсі 20 чалавек сталі ахвярамі нападу на паліцыянтаў, праваслаўныя цэрквы і сінагогі ў дагестанскіх Дэрбенце і Махачкале ўвечары ў нядзелю.

У Дагестане — у Махачкале, Дэрбенце і яшчэ ў двух гарадах — у выніку нападу, здзейсненага, верагодна, ісламісцкімі тэрарыстамі, паводле афіцыйных звестак, забітыя 15 паліцэйскіх, застрэлены вартаўнік праваслаўнага храма, а яго настаяцелю перарэзалі горла. У выніку контртэрарыстычнай аперацыі шасцёра тых, хто нападаў былі ліквідаваныя, бацька дваіх з іх (і дзядзька яшчэ аднаго), які аказаўся мясцовым «адзінаросам» і кіраўніком раёна ў гэтым паўночнакаўказскім рэгіёне Расіі, арыштаваны. Чаму расійскія спецслужбы зноў праспалі тэракт?

ФСБ праспала тэракт

Атака тэрарыстаў зноў, як і падчас тэракту ў падмаскоўным «Крокус Сіці Холе», прывяла да чалавечых ахвяр. Акрамя таго, злачынцы падпалілі храм і сінагогу, якая знаходзіцца ўсяго ў паўкіламетры ад яго ў Дэрбенце. Праваслаўным вернікам і пакінутым у храме святарам давялося хавацца ў царкве. Тыя, хто прыйшлі ў гэты час у сінагогу, аказаліся лепш абароненымі. Паколькі каля яе, пасля кастрычніцкіх антысеміцкіх пагромаў у Махачкалінскім аэрапорце па просьбе «Расійскага габрэйскага кангрэса» пастаянна дзяжурыла паліцыя. Яе супрацоўнікі і прынялі ўдар тэрарыстаў на сябе, загінуўшы, але абараніўшы мірных грамадзян, піша Іван Прэабражэнскі для «Deutsche Welle».

Пра што гаворыць гэтая трагічная гісторыя? Пра тое, што, падобна, адзінай арганізацыяй у Расіі, якая прыняла ўсур'ёз беспарадкі ў аэрапорце, а роўна і апошнія тэракты ў Расіі, уключаючы атаку ў «Крокус Сіці Хол»е, за якую ўзялі на сябе адказнасць баевікі «Ісламскай дзяржавы», аказаўся «Расійскі габрэйскі кангрэс». Ён арганізаваў ахову сінагогі.

У той час, як намеснік дырэктара ФСБ і намеснік старшыні Нацыянальнага антытэрарыстычнага камітэта Ігар Сіроткін усяго за чатыры дні да тэракту старшыняваў на нарадзе ў Махачкале і разводзіў дэмагогіі пра тое, якую небяспеку для Дагестана ўяўляе рост турыстычнай плыні ў гэтую горную і прыморскую рэспубліку.

Палітолаг: Серыя тэрактаў у Расіі ўкладваецца ў схему адзінага ворага вельмі дрэнна

Абмяркоўваючы неадэкватнасць прадстаўнікоў расійскай улады, не варта забываць і ліст дэпутата Дзярждумы Умахана Умаханава, які таксама за пару дзён да новага тэракту звярнуўся да Вярхоўнага суда з просьбай вярнуць разгляд справы аб спробе пагрому ў Махачкалінскім аэрапорце назад у суд дагестанскай сталіцы. Сваякам абвінавачаных, паводле яго слоў, было цяжка ездзіць у Краснадарскі край, куды перанеслі гэты разгляд, каб на суд у Дагестане не мог быць аказаны ціск. Наўрад ці варта задавацца пры гэтым пытаннем, што зрабілі б з суддзёй, які разглядаў гэтую справу?

Ворагі сваіх бацькоў  

Характэрная для расійскага Паўночнага Каўказа гісторыя братоў Амаравых — сыноў кіраўніка Сергакалінскага раёна рэспублікі. Абодва былі забітыя падчас контртэрарыстычнай аперацыі, пасля чаго дом іх бацькі быў узяты штурмам, а сам ён арыштаваны. Але ёсць вялікія сумневы, што класічны мясцовы бюракрат, «адзінарос» Магамед Амараў падзяляў ісламісцкі фанатызм сваіх сыноў і пляменніка. 

Баевікі «ІД-Харасан»: хто такія і якія мэты маюць у Расіі

Максімум, ён пакрываў іх. Сам жа, як відаць па кадрах штурму, жыў у доме, больш падобным да дваранскай сядзібы або ўсходняга палаца. Не выключана, што рэгулярна браў хабар і прыяцель з іншымі ўплывовымі людзьмі як у сваім раёне, так і ў сталіцы. А побач раслі сыны. І чым больш яны глядзелі на татальную карупцыю ў дагестанскіх кіруючых элітах, тым, верагодна, больш падтрымлівалі ідэі прапаведнікаў радыкальнага, ваяўнічага ісламу.

У пошуках выдуманых ворагаў

Але не толькі бацька Амараў не імкнуўся выкрыць сваіх дзяцей, але і тыя, каму гэта належыць па пасадзе, — мясцовыя паліцыянты і супрацоўнікі ФСБ. Тэракт у «Крокус Сіці Холе», пагром у Махачкалінскім аэрапорце — усё гэта не насцярожвала іх. Развучыўшыся працаваць, яны займаюцца сёння ў Расіі літаратурным аналізам п'ес і вершаў на прадмет прапаганды тэрарызму, а таксама лоўляй 15-гадовых школьнікаў, якія нібыта займаюцца антываеннай прапагандай.

Чаму ІДІЛ нападае на Расію?

Што называецца, дзесяць адпраўленых за краты падлеткаў і бабулек — гэта новая зорачка на пагонах. А ў пошуках рэальных тэрарыстаў можна і кулю ў жывот атрымаць. Уладам таксама не хочацца палохаць насельніцтва аднаўленнем ісламісцкага тэрарыстычнага падполля, якое адужэла за той час, пакуль усе сілы спецслужбаў былі звернутыя на вайну супраць Украіны і пошук, а то і выдумванне іншадумцаў. Так што, падобна, ім усім выгадна зажмурыцца і фальсіфікаваць працу, робячы пры такой змове маўчання верагоднай наступную трагедыю.