Беларусы трымаюць грошы «каля сябе». Чаму гэта небяспечна?

Эканоміка перапоўнілася так званымі «хуткімі грашыма». Насельніцтва перастала давяраць не толькі доўгатэрміновым, але і кароткатэрміновым дэпазітам, а доля наяўных у беларускай эканоміцы склала каля 23% ва ўсёй грашовай масе.

_belarus_hroszy_ekanomika_kurs_infljacyja_fota_novy_czas__2__logo.jpg


Шырокая грашовая маса (агульны аб'ём грошай у эканоміцы) па выніку лютага паказала прырост на 11,3% у параўнанні з мінулым годам. Пры гадавой інфляцыі ў 11,7% сумарным прапановай грошай эканоміка відавочна не пераграваецца, аднак іх структура зведала прыкметныя змены, канстатуе тэлеграм-канал «Нашы грошы».

Па-першае, валютныя дэпазіты фізічных асоб знізіліся за год (1 сакавіка 2022 —1 сакавіка 2023) на $482 млн або 9%. Бізнес, наадварот, за аналагічны перыяд нарасціў валюту на рахунках на 5% або $271 млн. Аднак пры такіх істотных зрухах, за кошт курсаў валют, пры пераліку на беларускі рубель, агульны аб'ём валютных зберажэнняў бізнесу і насельніцтва за год практычна не змяніўся.

Па-другое, мы бачым, што насельніцтва і бізнес сталі захоўваць значна большую долю сродкаў на бягучых рахунках, не асабліва давяраючы тэрміновым дэпазітам, бо сродкі на пераводных дэпазітах выраслі на 54%.

Па-трэцяе, доля наяўных у шырокай грашовай масе склала 12%, тады як годам раней яна была 9%. У рублёвай грашовай масе іх аб'ём на 1 сакавіка 2023 года склаў 23% супраць 21% годам раней – амаль кожны чацвёрты рубель беларускай эканоміцы працуе цяпер у наяўнай форме.

Да чаго гэта вядзе?

Вялікі аб'ём наяўных грошай і сродкаў на разліковых рахунках зніжаюць устойлівасць эканомікі, робячы яе менш прадказальнай. Даступныя сродкі, не звязаныя доўгатэрміновымі дэпазітамі або праектамі, могуць як хутка аказаць ціск на валютным рынку, прыводзячы да росту курсаў, так і стварыць рэзкі попыт на тавары і паслугі, разганяючы інфляцыю.

Прычына такога становішча рэчаў — у крызісе даверу. Дзеянні дзяржавы не выклікаюць насельніцтву і бізнесу аптымізму.



photo_2023_03_28_11_51_09.jpg