Пенсіі па ўзросце ў 2024-м у сярэднім вырастуць на 15 працэнтаў
Міністр працы і сацабароны Беларусі распавяла дэпутатам аб бюджэце ФСАН на наступны год, а таксама агучыла памер планаванага ў нашай краіне павышэння працоўных пенсій.
Міністр працы і сацыяльнай абароны Ірына Касцевіч прадставіла дэпутатам Палаты прадстаўнікоў Нацыянальнага сходу законапраект «Аб бюджэце дзяржаўнага пазабюджэтнага фонду сацыяльнай абароны насельніцтва Рэспублікі Беларусь на 2024 год».
Такім чынам, у наступным годзе ў сярэднім пенсіі па ўзросце ў Беларусі павялічацца на 15% — пра гэта заявіла Ірына Касцевіч падчас пасяджэння Палаты прадстаўнікоў.
Аналагічнае павышэнне прадугледжвалася і ў гэтым годзе.
Кіраўнік Мінпрацы таксама паведаміла, што ў цэлым колькасць пенсіянераў у Беларусі ў наступным годзе дасягне 2,4 мільёна чалавек — і каля 2 мільёнаў з іх будуць атрымліваць працоўныя пенсіі.
Пры гэтым у агульным аб'ёме размеркаваных ведамствам выплат сацыяльныя пенсіі складаюць толькі 2%.
У 2024 годзе бюджэт Фонду сацыяльнай абароны насельніцтва будзе прафіцытным. Даходы ФСАН павінны дасягнуць 28,2 мільярда рублёў, прычым блізу 25,6 мільярда рублёў складуць паступленні ад абавязковых плацяжоў (унёскі на дзяржаўнае сацыяльнае страхаванне), а яшчэ 1,7 мільярда рублёў будуць пералічаны ў яго з іншых бюджэтаў.
Выдаткі закладзены на ўзроўні больш за 27,7 мільярда рублёў — на 17% вышэй, чым прадугледжвалася на гэты год. З іх на разнастайныя дапамогі плануецца накіраваць 5,5 млрд рублёў.
Глядзіце таксама
Як паведамляе «Мінск-Навіны», асноўную частку бюджэту фонду ў 2024 годзе плануецца накіраваць на пенсіі — 22 млрд рублёў (амаль 80% ад выдаткаў), а таксама выплату ўсіх відаў дапамог — 5,3 млрд рублёў (больш за 19 %), з іх на дапамогі сем'ям, якія выхоўваюць дзяцей, — 3 млрд рублёў.
Расходы прадугледжаны з улікам штоквартальнага пераразліку сацыяльных выплат, звязаных з памерам БПМ, двух пераразлікаў штомесячных дапамог па доглядзе дзяцей ва ўзросце да 3 гадоў, а таксама павышэння працоўных пенсій у сярэднім за год на 15 %.
Частка сродкаў прызначана для фінансавання мерапрыемстваў па забеспячэнні занятасці насельніцтва (40,8 млн рублёў) і санаторна-курортнага лячэння і аздараўлення (53,4 млн рублёў).
Нагадаем, з 1 лістапада 2023 года ў Беларусі вырас бюджэт пражытачнага мінімуму, дзякуючы чаму павялічыўся памер розных сацыяльных плацяжоў, у тым ліку сацыяльных пенсій і «ўзроставых» надбавак да іх, а таксама некаторых дзіцячых дапамог, якія разлічваюцца з гэтага паказчыка.
Глядзіце таксама
Паводле myfin.by, minsknews.by