Беларуская мова ў беларускай школе: Чаму сітуацыя катастрафічная? (відэа)

Ці можна лічыць беларускую школу сапраўды беларускай? Каго гадуе сучасная сістэма адукацыі ў Беларусі — будучых беларусаў ці не зусім? Пра што нам кажа гісторыя беларускай мовы ў беларускай школе? Адказы на гэтыя пытанні гучаць у чарговым выпуску на ютуб-канале «Наша мова».

Як адзначае вядоўца выпуску, на сённяшні дзень сітуацыю з беларускамоўнай адукацыяй «можна вызначыць як катастрафічную». У якасці абгрунтавання ён прыводзіць некалькі фактаў.

Так, у Гомелі, другім по колькасці жыхароў у краіне, на 2015 года працавалі толькі тры беларускамоўныя класы (нават не школы). А ва ўсім Кобрынскім раёне  у 2014 годзе па-беларуску атрымлівалі адукацыю каля 10% школьнікаў.

У 1992 годзе ў Беларусі па-беларуску навучаліся 68% першакласнікаў. А ўсяго праз чатыры гады, у 1996 годзе, колькасць беларускамоўных першакласнікаў скарацілася да 32%.

Як паказвае статыстыка, пачынаючы з 1996 года і да нашага часу колькасць вучняў, якія атрымліваюць адукацыю на беларускай мове, скарачаецца штогод на 1%.

«Важна сказаць, што гэта толькі афіцыйная статыстыка. У публічнай прасторы ўвесь час з’яўляецца інфармацыя аб бацькоў і вучняў, што ў той ці іншай школе ці гімназіі выкладаюць па-расійску», — распавядае вядоўца.

Што яшчэ не так з беларускай мовай у беларускіх школах пры Лукашэнку, глядзіце на відэа ютуб-канала «Наша мова».