Беларуская прапаганда хоча ўзмацніць кантроль над байнэтам

Нядзельны праймтайм беларускай зомба-скрыні асвяціў аўдыторыю, гэта значыць насельніцтва сінявокай, чарговай дозай вострай неабходнасці новых намаганняў у справе заціскання гаек у байнэце.



Раздушаныя падзеннем рэальных даходаў “асветленыя” зноў пачалі наракаць. І каб чуллая да вольніцы апошнім часам прэса не наламала дроў, старанна адабраныя спікеры ёй нагадалі аб этычных нормах працы журналіста ў Беларусі.

"Трэба забараніць ананімнасць у інтэрнэце. Мы пра гэта ўжо не першы раз гаворым. Я прыхільнік жорсткіх мер. Чаму, да прыкладу, у Германіі чыста? Таму што там за недакурак караюць. А калі тут у інтэрнэт выкідваюць не толькі “недакурак”, але і больш сур'ёзныя гадасці, калі хтосьці дазваляе сабе вельмі дэструктыўныя дзеянні, то за гэта таксама трэба жорстка караць", — заявіў кіраўнік Белтэлерадыёкампаніі Генадзь Давыдзька.

"... я бачу заданне ў тых людзей, якія спрабуюць дэстабілізаваць абстаноўку”, — сказаў ён.

“Інтэрнэт прыўнёс у дзейнасць журналісцкай супольнасці вялікі разбуральны складнік. Многія рэсурсы сёння выкарыстоўваюцца як сродак дасягнення палітычных мэтаў, амбіцый. У гэтых умовах мы проста павінны з'яднаць усе свае намаганні — і заканадаўчыя, і журналісцкія, і прафесійна-этычныя ", — наракала міністр “праўды” Лілія Ананіч.

“... Ідзе дэталёвы аналіз як інтэрнэт-прасторы, так і друкаваных, і электронных СМІ. Будуць задзейнічаны ўсе механізмы для таго, каб інфармацыйная прастора Беларусі служыла сваёй краіне і кансалідацыі грамадства ", — празрыста намякнула Ананіч.

"Інтэрнэт, які прэтэндуе на ролю сродку масавай інфармацыі, спарадзіў пэўную з'яву: выхопліваць з кантэксту слова і падаваць яго ў тым соусе, як прадпісана рэдакцыйным заданнем. Безумоўна, удумлівае чытанне усяго сказанага павінна быць галоўным пры асвятленні тых ці іншых падзей. Але калі журналіст , як з куста, слаба разбіраецца ў праблемах той ці іншай галіны, спрабуе кідкім загалоўкам прыцягнуць увагу чытача — атрымліваецца касая і крывая журналістыка. гэта не журналістыка, гэта не прафесійная праца, і гэта дэструктыўна ", — сказала яна.

Зрэшты, не ўсе адабраныя для вячэрняга нядзельнага эфіру спікеры справіліся з пастаўленай перад імі задачай. Галоўрэд газеты "СБ. Беларусь сегодня" Павел Якубовіч узяў на сябе ролю дыпламата і прапанаваў запусціць перамоўны працэс.

“Неабходная размова, дыялог паміж прадстаўнікамі журналісцкай супольнасці. Трэба сустракацца, гаварыць, прыходзіць да нейкіх агульных высноваў аб тым, што для беларускай дзяржавы і народу карысна ", — сказаў ён.

На думку Якубовіча трэба стварыць такія ўмовы, калі журналісты, уладальнікі сайтаў, удзельнікі медыяпрасторы ўсведамляюць, што спробы інфармацыйных укідаў, ангажаваная інтэрпрэтацыя падзей і выказванняў могуць прывесці да канфрантацыі і разбурэння краіны.

Праўда, ён не ўдакладніў, канфрантацыя і разбурэнне цяперашняга рэжыму — гэта добра ці дрэнна ...

Паводле: afn.by