Новая нанамашына па барацьбе з ракам

У Японіі пачалася апошняя фаза клінічных выпрабаванняў новага сродка па барацьбе з ракам – нанамашын, здольных дастаўляць прэпараты непасрэдна ў пухліну.



У аснове новаўвядзення ляжыць прынцып выкарыстання макрамалекул, якія пераносяць прэпарат цысплацін, які выклікае адміранне хворых клетак. У ракавых тканінах крывяносныя пасудзіны маюць шмат адтулін, здольных прапускаць капсулы з прэпаратам. Акрамя таго, унутры злаякасных утварэнняў павышана кіслотнасць, што дазваляе беспамылкова вызначаць пухліны і вызваляць таксічнае змесціва мікраскапічных ёмістасцяў ўнутры яе. Пры гэтым, як заяўляюць стваральнікі, нармальным тканінам нанамашины не пагражаюць.

Цысплацін даўно выкарыстоўваецца для барацьбы з ракам лёгкіх, прастаты, яечнікаў і страўніка. Нанамашыны дазваляюць ужываць прэпарат кропкава і тым самым пазбегнуць нанясення шкоды арганізму.

Распрацоўшчык тэхналогіі прафесар Катаока Кадзуноры з Такійскага універсітэта лічыць, што хоць нанамашины не замяняюць хірургічнага ўмяшання, яны могуць шырока прымяняцца для зніжэння рызыкі рэцыдыву анкалогіі і барацьбы з метастазамі.

Тым не менш, яго калега з Дзяржаўнага анкалагічнага цэнтра перасцерагае ад залішняга аптымізму. "Не варта чакаць ад новаўвядзенні эфекту як ад цудадзейнай лекі, якая цалкам вылечыць рак", — аддзначае прафесар Ясухіра Мацумура. Па словах эксперта, галоўнае перавага новай тэхналогіі — зніжэнне пабочных эфектаў.

Паводле: Народная воля