Байдэн: «Абарона дэмакратыі важнейшая за пасаду»

Байдэн правёў у амерыканскай палітыцы больш за 50 гадоў. У 1972 годзе ва ўзросце 29 гадоў ён стаў сенатарам ЗША, быў віцэ-прэзідэнтам у адміністрацыі Барака Абамы, а потым стаў прэзідэнтам. Ён пакіне сваю пасаду прэзідэнта ў 82 гады, нагадвае «Голас Амерыкі».

Прэзідэнт ЗША Джо Байдэн у звароце да краіны і да амерыканцаў патлумачыў сваё нечаканае рашэнне больш небалатавацца на пасаду прэзідэнта тым, што ён «перадае факел новаму пакаленню», і падтрымаў кандыдатуру віцэ-прэзідэнта Камалы Харыс.

«Гэта найлепшы спосаб аб'яднаць нашу краіну», — заявіў Байдэн у сваёй першай буйной публічнай заяве пасля таго, як паддаўся ціску з боку калег-дэмакратаў і абвясціў у нядзелю, што не будзе дамагацца пераабрання 5 лістапада.

У звароце ў сераду з Авальнага кабінета Белага дома Байдэн заявіў, што «паважае гэту пасаду». «Але я люблю сваю краіну больш», — сказаў Байдэн, завяршаючы палітычную кар'еру, якая доўжылася больш за паўстагоддзя.

Усе апытаныя за Харыс. Беларусы распавялі, што думаюць пра выбары ў ЗША

«Абарона дэмакратыі важнейшая за любую пасаду», — сказаў Байдэн.

Ён заклікаў амерыканцаў актыўна ўдзельнічаць у абароне дэмакратыі: «Тут не кіруюць каралі і дыктатары. Тут кіруюць людзі. Гісторыя ў вашых руках. Улада ў вашых руках. Ідэя Амерыкі ў вашых руках».

У прамове ён таксама акрэсліў асноўныя прыярытэты свайго прэзідэнцтва да канца свайго тэрміну, які заканчваецца ў студзені.

— На працягу наступных шасці месяцаў я буду сканцэнтраваны на выкананні сваёй ролі прэзідэнта. Гэта азначае, што я буду працягваць зніжаць выдаткі для працавітых сем'яў і развіваць нашу эканоміку. Я буду працягваць абараняць нашы асабістыя свабоды і грамадзянскія правы, ад права голасу да права выбару.

Джордж Клуні пра Байдэна: «Ён не можа выйграць бітву з часам»

«Мы будзем працягваць аб'ядноўваць кааліцыю гордых нацый, каб спыніць Пуціна і не даць яму захапіць Украіну і нанесці яшчэ большы ўрон», — сказаў Байдэн у звароце да нацыі. Пры гэтым ён падкрэсліў, што працягне ўмацоўваць і аб'ядноўваць NATO.

З-за адмовы Байдэна прэзідэнцкая гонка стала надзвычай непрадказальнай і беспрэцэдэнтнай

Байдэн таксама заявіў, што ён «першы прэзідэнт у гэтым стагоддзі, які можа сказаць амерыканскаму народу, што Амерыка нідзе ў свеце не ваюе».

Байдэн правёў у амерыканскай палітыцы больш за 50 гадоў. У 1972 годзе ва ўзросце 29 гадоў ён стаў сенатарам ЗША, быў віцэ-прэзідэнтам у адміністрацыі Барака Абамы, а потым стаў прэзідэнтам.

«Я стаміўся, я сыходжу» ад Байдэна. Дасье ў карыкатурах

81-гадовы Байдэн на працягу некалькіх тыдняў супраціўляўся ціску з боку сваіх калегаў па Дэмакратычнай партыі, каб сысці ў адстаўку пасля дрэннага выступу на дэбатах 27 чэрвеня.

Ён скончыць сваё знаходжанне ў Белым доме 20 студзеня 2025 года як самы стары амерыканскі прэзідэнт, калі яму споўніцца 82 гады.