«Я стаміўся, я сыходжу» ад Байдэна. Дасье ў карыкатурах

21 ліпеня Джо Байдэн заявіў, што ў інтарэсах яго партыі і краіны яму трэба адмовіцца ад удзелу ў перадвыбарнай кампаніі. Вось як гэтую сітуацыю ўбачылі мастакі вядомых медыя.

Заклікі да Байдэна выйсці з прэзідэнцкай гонкі гучалі ўвесь апошні месяц пасля таго, як 81-гадовы прэзідэнт праваліў дэбаты з Трампам: ён часта губляў ход думкі і даваў блытаныя адказы. Адсюль і жудасныя рэйтынгі. 67% гледачоў палічылі, што дэбаты выйграў Трамп, і толькі 33% аддалі перамогу Байдэну. Каментуючы сітуацыю, адзін з мастакоў адлюстраваў Байдэна, які не здольны падняцца пасля публікацыі новых вынікаў сацыялагічных апытанняў.

Тут жа сярод дэмакратаў пачалася паніка, і лідары ​​партыі ўсур'ёз задумаліся пра замену кандыдата. Спонсары партыі і палітыкі-дэмакраты ўсё больш цвёрда пераконвалі Байдэна выйсці з гонкі — спачатку ў прыватным парадку, а потым і публічна. Прыядналіся да працэсу і мастакі. На гэтым малюнку асёл — сімвал дэмпартыі, прапануе дзядулю Байдэну выйсці з машыны, пакуль ён не ўрэзаўся. 

Сам Байдэн да апошняга ўпіраўся, сцвярджаючы, што ён поўны сіл і нікуды сыходзіць не збіраецца. У нейкі момант прэзідэнт нават заявіў, што «толькі Гасподзь Бог» можа зняць яго з гонкі. Усё гэта заканамерна дало мастакам нагоду для смеху. На гэтым малюнку прэзідэнт, будучы практычна ў магіле, сцвярджае, што ён усё яшчэ жывы.

Аднак у выніку Байдэн пагадзіўся зняцца з выбараў. Што сталася фінальнай прычынай, мы не ведаем. Адзін з мастакоў параўнаў адстаўку Байдэна з замахам на Цэзара, зладжаны яго атачэннем. Тут у якасці Брута выступае Барак Абама. 

Згода Байдэна сысці не выратавала яго ад татальнай крытыкі. На гэтым малюнку камп’ютар Байдэна паведамляе палітыку, што прэзідэнцкая кампанія выйшла са строю і мае патрэбу ў перазагрузцы, аднак без яго ўдзелу. 

Такім чынам, Байдэн сыходзіць, але хто пасля яго? У згаданай вышэй заяве прэзідэнт ЗША асабліва падзякаваў за працу віцэ-прэзідэнтку Камалу Харыс, Таму цяпер менавіта Камала Харыс становіцца найбольш верагодным кандыдатам ад дэмакратаў на будучых выбарах. Канчатковае рашэнне аб кандыдаце ад дэмакратаў прыме з'езд партыйных выбаршчыкаў 19-22 жніўня ў Чыкага. Хаця некаторыя графікі, як бачым, лічаць, што альтэрнатывы Камале пасля сыходу Джо проста няма.

Што да рэспубліканцаў, то яны ўпэўненыя, што сыход Байдэна адчыняе Трампу дзверы ў Белы дом. Тэматычная карыкатура на гэты конт. Зрэшты, нешта падказвае, што інтрыга выбарчай гонкі ў ЗША яшчэ захаваецца.