Пратэсты ў Малдове: прарасейскія сілы паставілі Санду ультыматум, адбыліся сутыкненні
Расейскія прапагандысты ўжо дакладваюць аб першых сутыкненнях грамадзян з паліцыяй.
Пенсіянеры на пратэстах у Кішынёве / Дар'я Слабодчыкава, NewsMaker
Прарасейскія сілы Малдовы выйшлі 12 сакавіка на пратэсты ў цэнтр Кішынёва. З сабой мітынгоўцы, пераважна пенсійнага ўзросту, узялі плакаты з крытыкай дзейнай улады і праваслаўныя іконы.
На мітынг выйшла вядомыя ў краіне сімпатыкі Расеі — партыя "Шор". Як піша Newsmaker, удзельнікі акцыі патрабуюць, каб улада кампенсавала іх рахункі.
У перапынку паміж выступамі асобных асоб з імправізаванай сцэны натоўп выкрыквае: "Не дыктатуры". У канцы мітынгоўцы маюць намер дайсці да будынка парламента, перад тым абыдучы некалькі вуліц.
Расейскія прапагандысты з "ТАСС" ужо дакладваюць пра першыя сутыкненні грамадзян з паліцыяй.
Ад удзелу ў акцыях адмовіліся партыя PACE і Асацыяцыя сілавых органаў Scutul Poporului. Гэта адбылося, калі ўлады 11 сакавіка папярэдзілі аб магчымых масавых беспарадках падчас пратэстаў. Некалькі вуліц часткова перакрытыя.
Як пішуць СМІ, пратэстоўцы паставілі ўльтыматум ураду Санду: да 13:00 13 сакавіка ўлады павінны развязаць пытанне кампенсацый рахункаў за энергарэсурсы ў зімовы перыяд. Якія дзеянні распачнуць мітынгоўцы далей, у выпадку, калі гэтыя патрабаванні не будуць выкананыя — у рэзалюцыі прарасейскіх сіл не паведамляецца.
Каля 17-й гадзіны па малдоўскім часе Арганізатары са сцэны заявілі аб завяршэнні сённяшніх мітынгаў. Разам з тым журналісты паведамляюць, што пратэст "спыніўся". Адбываюцца сутыкненні асобных пратэстоўцаў з вартавымі парадку.
У кастрычніку 2022 года партыя "Шор " была ўнесеная ў санкцыйны спіс ЗША як рух, звязаны з Іларам Шорам, якія трапілі пад санкцыі ЗША за арганізацыю беспарадкаў з мэтай падарваць дэмакратычнае развіццё Малдовы.
Напярэддані тэлеканал CNN са спасылкай на звесткі амерыканскай выведкі пісаў, што звязаныя з Расеяй асобы спрабуюць справакаваць паўстанне супраць урада Малдовы. Пра гэта раней заяўляла і ўкраінская выведка, якая перадала гэтыя даныя ўраду Маі Санду.
На думку ЗША, Расея працуе над паслабленнем малдаўскага ўрада, які імкнецца да больш цесных сувязяў з Еўразвязам. Таксама яны бачаць прыкметы таго, што расейскія дзеячы, звязаныя з урадам, могуць вучыць антыўрадавых дэманстрантаў у Малдове.
Масква таксама працуе над распаўсюджаннем дэзінфармацыі пра сітуацыю ў Малдове. Напрыклад, нядаўна Мінабароны РФ распаўсюдзіла хлусню пра нібыта намер Украіны ўварвацца ў акупаванае Расеяй Прыднястроўе.
