ЗША вернуць Японіі тэрыторыі на поўначы Акінавы

ЗША паабяцалі вызваліць частку тэрыторый на поўначы японскага вострава Акінава, дзе цяпер размяшчаюцца амерыканскія ваенныя аб'екты.

Усе неабходныя працэдуры для перадачы чатырох тысяч гектараў зямлі адміністрацыі прэфектуры Акінава завершаны. Паводле паведамлення узброеных сіл ЗША, працэдура вяртання будзе праходзіць у два этапы: першы пройдзе ў Токіо 21 снежня, другі — 22 снежня ў горадзе Наго.
Вяртанне ўчастка зямлі, якая выкарыстоўваецца для правядзення вучэнняў, у прыватнасці, на авіябазе марской пяхоты ЗША «Футэма», стане самым буйным вяртаннем зямлі японскаму ўраду з 1972 года. Токіа страціў кантроль над востравам ў 1945 годзе пасля паразы ў бітве за Акінаву, вядомай таксама як Аперацыя Айсберг. Бітва працягвалася 82 дня і стала адным з самых кровапралітных на Ціхаакіянскім фронце за ўвесь час Другой Сусветнай вайны. У 1972 годзе Акінаву вярнулі Японіі, але пры гэтым востраў застаўся ваенным плацдармам ЗША ва ўсходняй Азіі.
Па дадзеных мясцовых уладаў, зараз на востраве размяшчаецца 74% усіх амерыканскіх ваенных аб'ектаў, хоць плошча прэфектуры складае 0,6% ад усёй тэрыторыі краіны. На востраве знаходзяцца каля 25 тысяч амерыканскіх вайскоўцаў, а таксама 19 тысяч членаў іх сем'яў і грамадзянскіх асоб. 18% тэрыторыі Акінавы займаюць амерыканскія аб'екты ваеннай інфраструктуры.
Камандуючы марскімі экспедыцыйнымі войскамі ЗША ў Японіі генерал-лейтэнант Лоўрэнс Нікалсан заявіў, што скарачэнне зоны вучэнняў у Акінава не адаб'ецца на прыхільнасці і здольнасці ЗША да працы з урадам Японіі і японскімі Сіламі самаабароны. Па словах Нікалсана, Вашынгтон у далейшым мае намер вярнуць яшчэ частку зямель, паважаючы жаданне жыхароў вострава скараціць ваенную прысутнасць амерыканцаў.
Дамова аб вяртанні гэтай тэрыторыі была падпісана ў 1996 годзе, аднак яго рэалізацыя была адкладзеная на нявызначаны тэрмін. У адпаведнасці з дамовай, замест дэмантаваных ваенных аб'ектаў будуць пабудаваны шэсць вепрталётных пляцовак, якія, як мяркуецца, будуць выкарыстоўвацца амерыканскімі канвертапланамі Osprey. На дадзены момант пабудавана толькі дзве пляцоўкі, над астатнімі работа вядзецца з лета гэтага года.

Вярхоўны суд Японіі ў аўторак вынес рашэнне на карысць плана японскага ўрада па перадыслакацыі авіябазы марской пяхоты ЗША на Акінава. Улады і жыхары Акінавы гадамі дабіваліся гэтага рашэння, абураныя тым, што яны называюць «несправядлівым цяжарам падтрымкі амерыканскай ваеннай прысутнасці». Яны настойвалі на поўным вывадзе базы з Акінавы, але ў 2013 годзе бакі прыйшлі да кампрамісу і адміністрацыя прэфектуры пагадзілася перавесці ваенны аб'ект у іншы раён вострава.
Дазвол на перанос «Футэма» у межах Акінавы быў выдадзены былым кіраўніком прэфектуры Хіракадзу Накаімай. Цяперашні губернатар Такэсі Анага займае больш жорсткую пазіцыю і сцвярджае, што гэта рашэнне было памылковым. У 2015 годзе, выступаючы перад Саветам па правах чалавека ААН у Жэневе, Анага заявіў, што планы па перамяшчэнні «Футэма» абвяргаюць элементарныя правы чалавека, у тым ліку правы жыхароў вострава на самавызначэнне.
Ён таксама нагадаў, што ў пасляваенны перыяд амерыканскія ваенныя, дыслакаваныя на востраве, пастаянна абвінавачваліся ў розных правапарушэннях, а з-за вялікай колькасці ваенных аб'ектаў жыхары вострава пакутуюць ад праблем з экалогіяй. Побач з «Футэма» размешчаны школы, бальніцы і крамы, мясцовыя жыхары хвалююцца аб магчымасці авіякатастроф.
Паводле polit.ru