Калегія выбарцаў абрала Дональда Трампа прэзідэнтам ЗША

Калегія выбарцаў ЗША афіцыйна абрала рэспубліканца Дональда Трампа 45-м прэзідэнтам ЗША.

Больш за 270 чальцоў калегіі прагаласавалі за Трампа — гэта неабходны мінімум для перамогі на выбарах.

Перамогу Трампу забяспечыла галасаванне выбарцаў ад штата Тэхас. Усяго ў штаце 38 выбарцаў, з якіх 36 аддалі свае галасы Трампу.

Яшчэ двое прагаласавалі за іншых чальцоў Рэспубліканскай партыі — губернатара Агаё Джона Кейсіка і былога чальца Палаты прадстаўнікоў Рона Пола.

Першым Трампа з перамогай павіншаваў будучы віцэ-прэзідэнт ЗША Майк Пенс. Ён напісаў у "Твітэры", што цяпер Трамп — афіцыйна абраны прэзідэнт ЗША.

Галасаванне выбарцаў праходзіла на фоне пратэстаў супраць абрання Дональда Трампа. Многіх выбараў заклікалі аддаць свае галасы іншым кандыдатам.

Усяго ў калегіі выбарцаў 538 галасоў. Розныя штаты ў залежнасці ад колькасці насельніцтва маюць розную колькасць галасоў выбарцаў.

Кандыдат ад Дэмакратычнай партыі Хілары Клінтан пасля ўсеагульнага галасавання прызнала сваю паразу, хоць за яе прагаласавала большая колькасць выбарцаў.

Паводле ВВС