Беларусь атрымала ад Расіі новую вакцыну ад каронавіруса

Беларусь атрымала ад Расіі новыя вакцыну ад каронавіруса і тэст-сістэму. Гаворка ідзе аб другой расійскай вакцыне «Эпиваккорона». Раней Расія перадавала нашай краіне прэпарат «Спутник V».

«Сёння ў якасці падарунка, жэсту нашага вялікага сяброўства я перадала новую вакцыну “Эпиваккорона”, якая, я ўпэўненая, паслужыць захаванню здароўя калегаў, якія знаходзяцца ў зоне рызыкі, і насельніцтва Рэспублікі Беларусь. І таксама сёння мы перадалі тэст-сістэму новага пакалення для вызначэння віруса», — заявіла па выніках сустрэчы з прэм’ер-міністрам Раманам Галоўчанка кіраўнік Расспажыўнагляду Ганна Папова, перадае REFORM.by са спасылкай на БелТА.

Дэлегацыя расійскай службы прыбыла сёння ў Беларуьі. Яна праводзіць шэраг перамоў, у тым ліку з Міністэрствам аховы здароўя, беларускай санітарнай службы і іншымі зацікаўленымі бакамі.

Раман Галоўчанка адзначыў негатыўны ўплыў пандэміі на гандлёва-эканамічнае супрацоўніцтва Беларусі і Расіі, аднак, па яго словах, ужо бачныя пазітыўныя тэндэнцыі ў пераадоленні праблемы, у тым ліку дзякуючы скаардынаваным намаганням.

Ганна Папова дадала, што абмяркоўваецца сумеснае даследаванне папуляцыйнага імунітэту. Такая работа ўжо праведзена ў Расіі. Таксама ідзе гаворка аб сумесным маніторынгу зменлівасці віруса.