Беларусь будзе дабівацца выдачы былых эсэсаўцаў з 19 краін

Генеральны пракурор Беларусі Андрэй Швед распавёў пра расследаванне так званай справы «аб генацыдзе».
Андрэй Швед. Фота з тэлеграм-канала Генеральнай пракуратуры

Андрэй Швед. Фота з тэлеграм-канала Генеральнай пракуратуры


«У 19 краінах свету жывуць эсэсаўцы, якія ўтапілі нашу краіну ў крыві. Мы будзем дабівацца таго, каб яны паўсталі перад правасуддзем. Разумеем, што ў шэрагу краінаў дамагчыся гэтага немагчыма, таму што палітычная вярхушка, эліта, апякуецца нацыстамі», — цытуе Шведа тэлеграм-канал Генпракуратуры.

Таксама Андрэй Швед дадаў, што з папярэдняй згоды Лукашэнкі падрыхтаваныя першыя даведачна-аналітычныя матэрыялы аб генацыдзе і сувязі фашызму, нацызму «з падзеямі і ідэалогіяй тых, хто ў жніўні 2020 года паспрабаваў знішчыць нашу краіну».

Нагадаем, скандальная крымінальная справа па факце генацыду насельніцтва Беларусі падчас Вялікай Айчыннай вайны і ў пасляваенны перыяд была распачатая ў красавіку 2021 года.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: