Генпракуратура ўзбудзіла справу з-за паведамлення ў Тэлеграме пра пракуратуру Магілёўскай вобласці

Упраўленне ўласнай бяспекі Генеральнай пракуратуры ўзбудзіла крымінальную справу па артыкуле аб дыскрэдытацыі Рэспублікі Беларусь (арт. 369-1 КК) пасля паведамлення ў Тэлеграме пра пракурора Магілёўскай вобласці Аляксандра Чадзюка.

«Згодна з матэрыяламі справы, неўстаноўленая асоба ў месенджары Telegram распаўсюдзіла загадзя ілжывыя звесткі пра тое, што пракурор Магілёўскай вобласці нібыта 13 студзеня 2022 года на нарадзе публічна агучыў інфармацыю, якая дыскрэдытуе дзейнасць дзяржаўных органаў, а таксама пра неаднастайнае ўжыванне закону, няроўнасць грамадзян перад ім», — гаворыцца ў паведамленні Генпракуратуры.
Ведамства не прыводзіць ніякіх падрабязнасцей, але заяўляе, што распаўсюджаная ў месенджары інфармацыя не адпавядае рэчаіснасці.