Хронікі рэпрэсій за 9 красавіка

Грамадства

Спіс экстрэмісцкіх матэрыялаў зноў папоўніўся, за «экстрэмізм» асудзілі ксяндза, за «распаўсюд экстрэмізму» затрымалі буйнога бізнесоўца, паведамляюць праваабаронцы.

hroniki_represij2_logo.png_logo_1_logo_2_logo.webp
  • За «экстрэмізм» асудзілі ксяндза з Гродзенскага раёна

Пробашча касцёла вёсак Галынка і Пярстунь Гродзенскага раёна Паўла Гедройца асудзілі за «распаўсюд экстрэмісцкіх матэрыялаў» паводле арт. 19.11 КаАП. Суд адбываўся 12 і 14 сакавіка, справу разглядала суддзя Наталля Козел. Вынік пакуль невядомы. 

Старонка святара ў Facebook выдаленая, паведамляе канал «Право имеют».

  • За падзеі 10–11 жніўня 2020 года ў Брэсце асудзілі шэсць чалавек

5 красавіка ў судзе Ленінскага раёну Брэста вынесены прысуд шасці людзям за ўдзел у пратэстах у Брэсце ў ноч з 10 на 11 жніўня 2020 году. Згодна з абвінавачаннем, яны знаходзіліся на праезнай частцы праспектаў і вуліцаў Брэста, выкрыквалі лозунгі, дэманстравалі нацыянальныя сцягі і перашкаджалі руху грамадскага транспарту.

Суддзя Андрэй Грушко прызначыў:

  • Віталю Чаркасаву — 2,5 года пазбаўлення волі ў калоніі ва ўмовах агульнага рэжыму;
  • Арцёму Завадзе і Уладзіславу Барысаву — па 2 гады ў пазбаўлення волі ў калоніі ва ўмовах агульнага рэжыму;
  • Арцёму Кадыраву — 1 год пазбаўлення волі ў калоніі ва ўмовах агульнага рэжыму;
  • Аляксандру Жуку — 2,5 года пазбаўлення волі;
  • Марыі Лесік — 2,5 года «хатняй хіміі».
  • Чарговае папаўненне Спіса экстрэмісцкіх матэрыялаў: «Е@атька», старонка Мікіты Мелказёрава, Hrodna.lifе 

У яго трапілі:

  • Telegram-каналы «Я/Мы ОМОН», «198 шагов», «My honors», «x320kbit», «Бобр 97%», «Partyzanka – чат беларуских беженцев в Польше», «И Грянул Грэм»;
  • Instagram старонкі «strana_dla_wizni», «ya_ne_trogal_ya_prosto_smotrel»;
  • YouTube-канал «ЗАГЛЯНЕ СОНЦА»;
  • Старонкі ва «Укантакце» «БЕЛАРУСЬ для кожнага», «ITER AD ORTUS-БЕЛАРУСЬ»;
  • Старонкі ў Facebook «Беларус Беларусу», «Фонд Страна для Жизни»;
  • Сайт і сацсеткі «Hrodna.lifе»;
  • Кніга «Недозволенная память: Западная Беларусь в документах и фактах: 1921-1954» Аляксандра Татаранкі;
  • Старонка ў «Х» «Sviatlana Tsikhanouskaya»;
  • Відэаролік «Е@атька. Как Лукашенко замучил целую страну | Разборы»;
  • Старонкі ў «Аднакласніках» «Выборы Беларусь», «Беларуская сацыял-дэмакратычная партыя: Брэсцкая», «Салiдарнасць – главные новости Беларуси», «Мы против декрета о тунеядцах»;
  • TikTok-старонкі «gungengaiss3», «divnajatigra», «klasbar», «shokal».
  • Палітвязні Вадзім Гурман і Юрый Чубанаў выйшлі на волю

У лютым 2021-га ў судзе Маладзечанскага раёна Вадзіму Гурману прысудзілі 3,5 гады калоніі. Згодна з абвінавачваннем, 9 жніўня 2020 года Вадзім актыўна ўдзельнічаў у несанкцыянаваным масавым мерапрыемстве і не падпарадкоўваўся супрацоўнікам органаў унутраных спраў. Свой тэрмін палітвязень адбываў у горацкай калоніі № 9, дзе на яго ўвесь час ціснула адміністрацыя ўстановы.

Юрыя Чубанава асудзілі 2 гадоў калоніі па пяці артыкулах Крымінальнага кодэкса: ч. 3 арт. 203-1 (незаконныя дзеянні ў дачыненні да персанальных даных), арт. 369 (абраза прадстаўніка ўлады), ч. 1 арт. 368 (абраза Лукашэнкі), арт. 370 (здзек з дзяржсімвалаў) і ч. 1 арт. 367 (паклёп на Лукашэнку). Палітвязня асудзілі, у тым ліку за лайкі і каментары фотаздымкаў, пастоў і відэа ў сацсетках.

Глядзіце таксама

  • У Гомелі за «распаўсюд экстрэмізму» затрымалі буйнога бізнесоўца Наума Каца

8 красавіка ў судзе Цэнтральнага раёна Гомеля суддзёй Віктарам Казачакам была разгледжана адміністрацыйная справа паводле ч.2 арт. 19.11 КаАП (распаўсюд экстрэмісцкіх матэрыялаў) у дачыненні да гомельскага бізнесоўца Наума Каца.

  • Славікі затрымалі мінчанку за ўдзел у пратэстах
dar_ja_davidzenka.jpg

Паводле інфармацыі “Медыязоны”, гаворка пра Дар'ю Давыдзенка. На «палонным відэа» яна кажа, што разам з мужам і сяброўкай у верасні 2020 года «ўдзельнічалі ў несанкцыянаваных мітынгах, хадзілі па дарогах, фатаграфаваліся, рабілі сэлфі». Сцвярджаецца, што яе муж і сяброўка таксама затрыманыя, але ў відэа іх не паказваюць.

Напрыканцы відэа Дар'ю прымусілі сказаць, што іх «пакаранне будзе звязанае з пазбаўленнем волі».

  • Затрымалі жыхароў Брэста, якія сарвалі чырвона-зялёны сцяг з дзіцячага садка

Паведамляецца, што затрыманым мужчынам 25 і 46 гадоў. Праўладныя тэлеграм-каналы пагражаюць ім крымінальнай справай паводле арт. 370 КК (здзек з дзяржаўнай сімволікі).

  • У Брэсце сілавікі затрымалі барысту
mikita_jahimovicz.jpg

На «палонным відэа» затрыманы хлопец кажа, што яго завуць Мікіта, што ў 2020 годзе ён удзельнічаў у акцыі пратэсту і наклейваў налепкі «Краіна для жыцця» ў кавярні, дзе працаваў.

Паводле інфармацыі брэсцкіх праваабаронцаў, затрыманы — Мікіта Яхімовіч.