Крыптабіржа перадавала даныя карыстальнікаў, якія ахвяравалі апазіцыі грошы — Reuters

Найбуйнейшая крыптабіржа Binance перадавала ўладам РФ даныя карыстальнікаў, якія ахвяравалі апазіцыі грошы ў крыптавалюте, у тым ліку і на патрэбы структур Навальнага, піша Reuters.

Выданне сцвярджае, што кіраўнік Binance па Усходняй Еўропе і Расіі Глеб Костараў пагадзіўся на патрабаванне “Росфинмониторинга” прадаставіць асабістыя даныя карыстальнікаў сэрвісу, пры гэтым, "не так ужо маючы выбар".

Прадстаўнікі крыптабіржы заявілі Reuters, што ніколі не атрымлівалі ад Расіі паведамленняў-прапаноў наконт Навальнага. Тым не менш, яны шукалі нейкай згоды ў перыяд перад спецаперацыяй, а гэта патрабавала ад іх адказаў на "адпаведныя запыты органаў, што рэгулююць, ды праваахоўнікаў".