З намі нашы выкладчыкі, нашы бацькі. Але рэктарат нас не падтрымаў

Затрыманыя студэнты МДЛУ запісалі зварот да адміністрацыі вну і да ўсіх грамадзян Беларусі



У звароце студэнты патрабуюць ад адміністрацыі лінгвістычнага ўніверсітэта:

• публічна заявіць аб сваёй пазіцыі ў дачыненні да вынікаў выбараў і выказацца пра гвалт з боку сілавікоў,
• арганізаваць новыя выбары ў студэнцкае прадстаўніцтва, каб забяспечыць рэальнае самакіраванне,
• гарантаваць бяспеку студэнтаў і выкладчыкаў у сценах і на тэрыторыі ўніверсітэта,
• даць студэнтам законную і бяспечную пляцоўку для выказвання сваіх думак на тэрыторыі ўніверсітэта,

а таксама далучаюцца да патрабаванняў «большасьці беларусаў»:

• спыніць гвалт у дачыненні да мірнага насельніцтва,
• вызваліць усіх палітвязняў,
• завесці крымінальныя справы па фактах злачынстваў супраць чалавечнасці,
• прызнаць права грамадзян выказваць сваю пазіцыю любымі мірнымі спосабамі,
• правесці новыя сумленныя выбары.