«Беларусьфільм» у кастрычніку прадставіць мультфільм «Лагодны воўк»

"Беларусьфільм" скончыў падрыхтоўку новай анімацыйнай кароткаметражкі. У кастрычніку гледачы змогуць пабачыць мультфільм "Лагодны воўк".

Над шасціхвіліннай гісторыяй каманда працавала больш за паўгода, перадае tvr.by. У аснове — казка пісьменніцы Алены Масла. Дзед-хіпстэр, чулы воўк — сучасныя героі загавораць галасамі Віктара Манаева і Аляксандра Ждановіча. Фальклорнасць надададуць матывы групы "Нагуаль". Стужка пранізаная беларускімі афарызмамі. З тытрамі на рускай і англійскай мове.
Наталля Дарвіна-Хаткевіч, рэжысёр: "Карцінка павінна ўзрушваць, яна павінна быць свежая. Вось гэта галоўнае. Вось такую ​​я перад сабой ставіла задачу. І задача была такая ў кожным кадры літаральна. Нават не столькі па форме, колькі яшчэ і па змесце. Гэта значыць, праца над кожным жэстам, над інтанацыяй".
Анімацыйная гісторыя не скончыцца на адной казцы. У канцы лістапада творчы тандэм рэжысёра і пісьменніцы прыступіць да стварэння другога мультфільма — "Прыгажун і пачвара".