Актывісты Руху "За Свабоду" сабралі на мітынгу подпісы за "Народны рэферэндум" (фота)
Больш за 100 подпісаў у падтрымку "Народнага рэферэндуму" сабралі 4 кастрычніка актывісты Руху "За Свабоду" падчас мітынгу супраць расійскіх вайсковых базаў.
"Нейтральны статус — адно з найбольш важных пытанняў "Народнага рэферэндуму", і актывісты Руха "За Свабоду" працягваюць працу па ягонай папулярызацыі", — пракаментаваў вынікі збору подпісаў першы намеснік старшыні арганізацыі Юрась Губарэвіч.
Па ягоных словах, удзельнікі мітынгу праяўлялі вялікі інтарэс да кампаніі. У выніку за прыкладна паўтары гадзіны былі сабраныя 105 подпісаў.
