Лукашэнка: Мы знаходзімся каля вельмі небяспечнай рысы

Няўдачы, якія пераследвалі краіну апошнім часам, былі не толькі следствам знешніх фактараў, іх нямала і ўнутры, заявіў Аляксандр Лукашэнка, выступаючы 21 красавіка са штогадовым пасланнем да народа і парламента.

Няўдачы, якія пераследвалі краіну апошнім часам, былі не толькі следствам знешніх фактараў, іх нямала і ўнутры, заявіў Аляксандр Лукашэнка, выступаючы 21 красавіка са штогадовым пасланнем да народа і парламента.

Паводле яго слоў, арыенцірам для вырашэння праблем і вываду краіны на новы ўзровень развіцця служаць рашэнні пятага Усебеларускага народнага сходу. "Неабходна нагнаць упушчанае і выйсці на зададзеныя параметры па выніках першых двух гадоў пяцігодкі", — паставіў задачу Лукашэнка.

Гэты год, адзначыў ён, набывае асаблівую значнасць: "Іншага такога года не будзе. Мы знаходзімся каля вельмі небяспечнай рысы, адыходзячы, пераступіць якую не можам. Не зробiм хоць бы паўкроку наперад — баюся нават казаць, што можа адбыцца".

Паводле слоў кіраўніка дзяржавы, сёння жыццёвая неабходнасць — нарошчванне экспарту і прыцягненне інвестыцый. "Гэта можна зрабіць, гэтыя пытанні сёння можна вырашыць. Калі б іх нельга было вырашыць, не быў бы такі ціск", — упэўнены Лукашэнка.

Ён папярэдзіў, што яшчэ глыбока не ўнікаў ў вынікі першага квартала гэтага года. "Але, думаю, што вышэйшыя службовыя асобы разумеюць, што хлусіць небяспечна. Намецілася нейкая "тэндэнцыя наперад", як яны заяўляюць. Гатовы ў гэта паверыць, і гэта мы зрабілі літаральна за сакавік і некалькі дзён красавіка. Таму што студзень-люты цалкам правалілі і праспалі", — сказаў Лукашэнка.

Кіраўнік дзяржавы паабяцаў, што з яго боку "жым на выканаўчыя органы ўлады і ўсе галіны ўлады будзе толькі ўзмацняцца". "Мы павінны паказаць усяму свету, што мы здольныя функцыянаваць як суверэнная і незалежная дзяржава. Калі не, то і напружвацца няма чаго. Калі хто-небудзь хоча, падняўшы рукі, ісці здацца — ідзіце, без мяне. Калі мы не зможам знайсці дадатковыя магчымасці для павелічэння паставак беларускай прадукцыі за мяжу, то цяжка будзе падняць нашу эканоміку на новы ўзровень", — упэўнены Лукашэнка.

Таму, паводле яго слоў, трэба задзейнічаць усе рычагі для вытворчасці якасных, канкурэнтаздольных тавараў з высокім дабаўленым коштам. Паралельна варта ажыццяўляць дыверсіфікацыю экспарту.

Вячаслаў Будкевіч, БелаПАН