14 студзеня ЕСПЧ вынесе рашэнне па пазовах Украіны аб парушэнні правоў чалавека ў Крыме

Вялікая палата Еўрапейскага суда па правах чалавека абвесціць аб рашэнні па справе "Украіна супраць Расіі" (па Крыме) падчас адкрытага слухання 14 студзеня.

Справа тычыцца меркаваных сістэматычных парушэнняў Еўрапейскай канвенцыі аб правах чалавека ў анэксаваным Крыме, указваецца ў заяве. "Урад Украіны сцвярджае, што Расійская Федэрацыя з 27 лютага 2014 года ажыццяўляла эфектыўны кантроль над Аўтаномнай Рэспублікай Крым і горадам Севастопалем, якiя з'яўляюцца неад'емнай часткай Украіны", — адзначыў ЕСПЧ.

Украіна абвінавачвае РФ у парушэнні шматлікіх артыкулаў Канвенцыі аб правах чалавека

Кіеў паказвае на парушэнні на тэрыторыі паўвострава наступных палажэнняў канвенцыі: артыкула 2 (права на жыццё), артыкула 3 (забарона на бесчалавечнае абыходжанне і катаванні), артыкула 5 (права на свабоду і бяспеку), артыкула 6 (права на справядлівае судовае разбіральніцтва), артыкула 8 (права на павагу прыватнага жыцця), артыкула 9 (свабода рэлігіі), артыкула 10 (свабода выказвання меркавання), артыкула 11 (свабода сходаў), артыкула 14 (забарона дыскрымінацыі), артыкула 1 пратакола № 1 (абарона ўласнасці), артыкула 2 пратакола № 1 (права на адукацыю) і артыкула 2 пратакола № 4 (свабода перамяшчэння).
Справа грунтуецца на двух пазовах Украіны супраць Расіі, пададзеных 13 сакавіка 2014 года і 26 жніўня 2015 года. У чэрвені 2018 года пазовы былі аб'яднаны ў адно справаводства пад новай назвай "Украіна супраць Расіі" (датычна Крыму). Слуханні па справе пачаліся ў верасні 2019 года.
dw.com