Францыя, Італія і Данія таксама высылаюць расійскіх дыпламатаў

Францыя, Італія і Данія вырашылі ўзяць прыклад з шэрагу іншых краін і выслаць некалькі дзясяткаў расійскіх дыпламатаў, перадае РІА «Новости» са спасылкай на еўрапейскія СМІ.

Амбасадара РФ у Парыжы Аляксея Мяшкова выклікалі ў МЗС Францыі, каб паведаміць пра высылку расійскіх дыпламатаў, паведаміў тэлеканал BFM TV. Па дадзеных французскіх СМІ, з краіны высылаюць 35 расійскіх дыпламатаў, дзеянні якіх, па ацэнцы Парыжа, супярэчаць інтарэсам бяспекі. Афіцыйны прадстаўнік МЗС РФ Марыя Захарава заявіла, што расійскі бок прыме меры ў адказ.

Bloomberg 5 красавіка напісаў аб тым, што Данія абвясціла аб высылцы 15 расійскіх дыпламатаў.

Улады Італіі таксама сёння маюць намер аб'явіць аб высылцы некалькіх дзясяткаў расійскіх дыпламатаў.