Іспанія зафіксавала першую ў Еўропе смерць чалавека ад воспы малпаў

У гэты ж дзень аб першым смяротным выпадку паведаміла Бразілія.
Міністэрства аховы здароўя Іспаніі паведаміла 29 ліпеня аб першай у краіне смерці чалавека, звязанай з воспай малпаў, пішуць El Pais і Las Provincias. Ён сканаў з-за энцэфаліту, які развіўся з-за першаснай інфекцыі.

Як зазначаюць Reuters і CNN, гэта першы пацверджаны ўладамі выпадак смерці ў Еўропе. У той жа дзень, 29 ліпеня, пра першы выпадак у краіне паведаміла Бразілія. Да гэтага смяротныя выпадкі, выкліканыя воспай малпаў, фіксаваліся толькі ў краінах Афрыкі.

У Расіі першы выпадак воспы малпаў выявілі ў першай палове ліпеня. Інфекцыю выявілі ў мужчыны, які вярнуўся з паездкі па Еўропе. Яго ізалявалі ў шпіталі.

Па падліках Reuters, пакуль што 70 краін зафіксавалі амаль 21 тысячу выпадкаў захворвання на воспу малпаў.

Воспа малпаў — рэдкае інфекцыйнае захворванне жывёл і чалавека, якое характарызуецца ліхаманкай, агульнай інтаксікацыяй і з'яўленнем экзантэмы. Які выклікае яго ўзбуджальнік — вірус з сямейства поксвірусы — блізкі генетычна да віруса натуральнай воспы (воспы чалавека).

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: