Навукоўцы знайшлі эфектыўны спосаб барацьбы са старасцю

Навукоўцы з Экстэрскага ўніверсітэта (Вялікабрытанія) вызначылі самы эфектыўны спосаб амаладжэння клетак жывога арганізма.

Аснову іх метаду складае змена матрычнай РНК пасродкам расліннага злучэння рэсвератрола. З узростам у арганізме чалавека паніжаецца канцэнтрацыя спецыфічных малекул. Гэта адбіваецца на хуткім старэнні.
Даследнікі выпрабавалі актыўнасць расліннага злучэння фенолу рэсвератрола. Высветлілася, што гэтыя злучэнні прыводзяць у нармальны стан працэс паспявання матрычнай РНК.
Акрамя гэтага, навукоўцы высветлілі, што рэсвератрол можа зніжаць узровень біямаркераў старэння і малекул, якія спрыяюць запаленням у арганізме.
Паводле БелТА