Парашэнка спыніў дагавор аб сяброўстве з Расіяй

МЗС праінфармуе ААН, АБСЕ і іншыя міжнародныя арганізацыі аб жаданні Украіны спыніць дзеянне дагавора і аб падставах яго спынення.

Прэзідэнт Украіны Пётр Парашэнка ўвёў у дзеянне рашэнне Савета нацыянальнай бяспекі і абароны (СНБА) аб спыненні дамовы аб сяброўстве, супрацоўніцтве і партнёрстве з Расіяй, якая была падпісана ў 1997 годзе.

Пра гэта паведамляе прэс-служба ўкраінскага прэзідэнта ў панядзелак, 17 верасня.

«МЗС Украіны павінен заявіць Расійскай Федэрацыі аб жаданні Украіны спыніць дзеянне Дамовы аб сяброўстве з РФ у адпаведнасці з артыкулам 40 гэтага дагавора і ўнесці ва ўстаноўленым парадку на разгляд прэзідэнту Украіны праект закона Украіны аб спынення дзеяння дагавора аб сяброўстве, супрацоўніцтве і партнёрстве паміж Украінай і РФ», — гаворыцца ў паведамленні.

Таксама, згодна з рашэннем СНБА, МЗС павінна праінфармаваць ААН, АБСЕ і іншыя міжнародныя арганізацыі аб жаданні Украіны спыніць дзеянне Дамовы аб сяброўстве з Расіяй, а таксама пра падставы яго спынення.

Прадстаўнік украінскага прэзідэнта ў Вярхоўнай Радзе, дэпутат ад фракцыі “Блок Пятра Парашэнкі” Ірына Луцэнка падчас пасяджэння пагаджальнага савета паведаміла, што да 30 верасня Расія будзе паінфармаваная нотай МЗС Украіны, а прэзідэнт Украіны ўнясе ў парламент адпаведны законапраект, згодна з артыкулам 24 закона Украіны “Пра міжнародныя дамовы Украіны”.

Нагадаем, 6 верасня СНБА падтрымаў ініцыятыву прэзідэнта Пятра Парашэнкі аб непрацягненні Дамовы аб сяброўстве, партнёрстве і супрацоўніцтве з РФ на 10 гадоў.

Раней Пётр Парашэнка даручыў МЗС падрыхтаваць дакументы для дэнансацыі дамовы аб сяброўстве з Расіяй.

Пазней у МЗС заявілі, што Кіеў да канца верасня паведаміць РФ аб спыненні дзеяння дагавора.

У Расіі заявілі, што ў выпадку скасавання дагавора, яны нічога не губляюць, а наадварот — вызваляюцца ад шэрагу пагадненняў.

Калі Украіна не паведамiць расійскі бок аб скасаванні дагавора, то з 1 красавіка 2019 года ён будзе прадоўжаны яшчэ на 10 гадоў.

Як вядома, дамова аб сяброўстве з Расіяй быў падпісаны 31 мая 1997 года тэрмінам на 10 гадоў (з наступнай аўтаматычнай пралангацыяй дакумента, калі бакі не выкажуцца супраць). Ён уступіў у сілу 1 красавіка 1999 года.

 Паводле korrespondent.net