Рэспубліканцы ў Кангрэсе зрабілі Пуціну самы вялікі падарунак?

Заканадаўства, якое прадугледжвае фінансавую дапамогу Украіне і Ізраілю, заблакіравана ў амерыканскім Сенаце. Рэспубліканцы запатрабавалі ўключыць у дакумент захады, якія б узмацнілі меры па кантролі над іміграцыяй на мяжы ЗША з Мексікай.

Рэспубліканцы ў амерыканскім Сенаце заблакіравалі спробу прыняць законапраект аб дапамозе Украіне. Рэспубліканцы настойваюць на тым, што любая дапамога Украіне павінна быць увязана з маштабнымі рэформамі ў сферы іміграцыі і пераглядам палітыкі прадастаўлення прытулку ў ЗША.

Для пачатку дэбатаў па законапраекце ён павінен быў атрымаць мінімум 60 (са 100) галасоў, аднак галасы сенатараў падзяліліся 41 да 43.

Перад галасаваннем Байдэн заклікаў Кангрэс зацвердзіць фінансавую дапамогу Украіне да новага года.

Байдэн: «Мы не можам дазволіць Пуціну перамагчы»

Прэзідэнт ЗША Джо Байдэн у спецыяльным звароце перад галасаванем заклікаў Кангрэс ЗША тэрмінова зацвердзіць новае фінансаванне для далейшых пакетаў дапамогі Украіне, паведамляе «Голас Амерыкі». Зрэшты, прамова Байдэна не дапамагла.

Кіраўнік Белага дома перад галасаваннем заклікаў заканадаўцаў адкласці партыйныя рознагалоссі і неадкладна ўхваліць дадатковую падтрымку Украіны. «Гэта не можа чакаць, — сказаў Байдэн падчас кароткай прамовы ў Белым доме. — Кангрэс павінен прыняць дадатковае фінансаванне для Украіны, перш чым дэпутаты сыдуць на святочныя канікулы».

«Шчыра кажучы, я лічу дзіўным, што мы дайшлі да гэтага. Рэспубліканцы ў Кангрэсе гатовы зрабіць Пуціну самы вялікі падарунак, на які ён мог спадзявацца, і адмовіцца ад нашага глабальнага лідарства», — дадаў прэзідэнт ЗША.

«Расійскія войскі здзяйсняюць ваенныя злачынствы... Гэта здзіўляе. Хто гатовы адмовіцца ад таго, каб прымусіць Пуціна за гэта адказваць? Хто з нас гатовы гэта зрабіць? Апошнія амаль два гады мужны народ Украіны не даваў Расіі перамагчы на полі бою. Яны выйгралі ад амбіцый Пуціна дамінаваць ва Украіне, і народ ЗША можа і павінен ганарыцца тым, што зрабіў магчымым поспех Украіны дзякуючы пастаянным пастаўкам зброі і боепрыпасаў», — сказаў Байдэн.

Амерыканскі лідар таксама падкрэсліў, што Крэмль не збіраецца спыняцца на Украіне і плануе «ісці далей». І калі прэзідэнт Пуцін нападзе на якую-небудзь краіну NАТО, абавязак ЗША будзе абараняць гэтага саюзніка: «Мы не хочам, каб амерыканскія войскі ваявалі з расійскімі, і цяпер гэта не так».

«Мы не можам дазволіць Пуціну перамагчы, гэта абсалютна ў нашых нацыянальных інтарэсах і нацыянальных інтарэсах усіх нашых сяброў, — сказаў Байдэн. — Любы перапынак у нашай здольнасці дапамагаць Украіне відавочна ўмацоўвае пазіцыі Пуціна. У нас заканчваюцца грошы на гэта».

Прэзідэнт Джо Байдэн: Мы не можам дапусціць перамогі Пуціна!

Нагадаем, што ў Пентагоне напярэдадні таксама падкрэслілі, што зацвярджэнне новага фінансавання Украіны з'яўляецца тэрміновым, і звярнуліся да Кангрэса з просьбай як мага хутчэй разгледзець гэтае пытанне.

Прэс-сакратар Міністэрства абароны Пэт Райдэр сказаў: «Без дадатковага фінансавання мы не зможам забяспечыць Украіне крытычна важную дапамогу ў галіне бяспекі, неабходную для абароны сваіх гарадоў, людзей і крытычна важнай інфраструктуры. І мы можам дасягнуць пункта, калі мы не зможам падтрымліваць цяперашні ўзровень дапамогі Украіне ў галіне бяспекі».

Хоць большасьць рэспубліканцаў і дэмакратаў у Палаце прадстаўнікоў і Сенаце выступаюць за дапамогу Украіне, аднак паміж двума бакамі няма адзінства адносна таго, у якой форме гэтая дапамога павінна разглядацца. Рэспубліканцы настойваюць на ўвязцы дапамогі Кіеву з выдаткамі на ўзмацненне жорсткасці міграцыйнай палітыкі. Дэмакраты не падтрымліваюць прапанаваныя меры.

У сваёй прамове Байдэн заявіў, што ўльтраправыя заканадаўцы «трымаюць у закладніках» дапамогу Украіне, спрабуючы дасягнуць сваіх мэт у «крайніх мерах на мяжы», але адзначыў, што Белы дом гатовы да «рэальных рашэнняў» па мяжы і на некаторыя саступкі ў пытанні міграцыйнай палітыкі.

«Я ведаю, што ў нас ёсць разыходжанні ў поглядах унутры краіны. Давайце іх пераадолеем. Гэта крытычна важна. Дробная партыйная палітыка не можа перашкодзіць нашай адказнасці за лідарства ў свеце», — сказаў Байдэн.

Прэзідэнт заявіў, што «літаральна ўвесь свет назірае», як будзе дзейнічаць Амерыка, і калі ЗША цяпер адступяць, гэта можа даць штуршок іншым агрэсіўным сілам у свеце: «Таму я заклікаю Кангрэс нешта зрабіць, зрабіць правільна і падтрымліваць народ Украіны, супрацьстаяць тыраніі Пуціна, літаральна адстойваць свабоду».

Паводле www.holosameryky.com, ВВС