Сірыя. Баевікі ІД узялі ў закладнікі больш за 400 чалавек

Баевікі тэрарыстычнай групоўкі "Ісламская дзяржава" (ІГ) ўзялі ў закладнікі больш за 400 чалавек пасля масавага забойства мірных жыхароў у сірыйскім горадзе Дэйр-Эз-Зор. 



© Militant Video via AP

Сярод захопленых — жанчыны і дзеці. Пра гэта паведаміла агенцтва AFP. 

Паводле яго даных, тэрарысты захапілі людзей у прыгарадных кварталах, а таксама ў бліжэйшых да горада населеных пунктах. Сярод захопленых  жанчыны і дзеці, адзначае ТАСС. 

Баевікі, як паведамляецца, адвялі закладнікаў на тэрыторыю кантраляваных імі раёнаў. Нагадаем, у суботу баевікі ІГ здзейснілі шэраг нападаў на пазіцыі ўзброеных сіл Сірыі ў Дэйр-Эз-Зоре, размешчаным на паўночным усходзе краіны ў 430 кіламетрах ад Дамаска. 

Ахвярамі ўзброеных сутыкненняў у Дэйр-Эз-Зоре сталі 335 чалавек, у ліку якіх дзясяткі мірных жыхароў.