Сёння швейцарцы вырашаюць лёс грамадска-прававых СМІ

Жыхары Швейцарыі плацяць за грамадска-прававое вяшчанне амаль 400 еўра ў год ад хатнія гаспадаркі. На сённяшнім рэферэндуме яны вырашаць, ці згодныя яны па-ранейшаму плаціць за гэта.

У Швейцарыі ў нядзелю, 4 сакавіка, праходзіць рэферэндум, здольны радыкальным чынам змяніць прынцып фінансавання грамадска-прававога тэлебачання і радыё ў краіне, паведамляе dw.com.
Цяпер кожная хатнюя гаспадарка штогод пералічвае 451 франк (390 еўра) цэнтру абаненцкай платы Billag, каб забяспечыць працу незалежнага тэле- і радыёвяшчання. На рэферэндуме будзе вырашацца пытанне пра закрыццё Billag і адмене абаненцкай платы. У выпадку поспеху праціўнікаў Billag грамадска-прававыя СМІ Швейцарыі пяройдуць на самафінансаванне.
Урад, парламент і большасць партый Швейцарыі выступаюць у падтрымку абаненцкай платы. Паражэнне праціўнікаў Billag прагназуюць і сацыёлагі.
У Нямеччыне апошняя рэформа фінансавання грамадска-прававых СМІ была праведзена ў 2013 годзе, калі цэнтр збірання абаненцкай платы GEZ быў перайменаваны ў Сервіс абаненцкай платы ARD, ZDF і Deutschlandradio. Цяпер кожная нямецкая хатняя гаспадарка плаціць на гэтыя мэты 210 еўра ў год. У Нямеччыне таксама крытыкуюць гэтую сістэму, аднак адмены абаненцкай платы патрабуе толькі правапапулісцкая партыя "Альтэрнатыва для Германіі".