Скарбніку Ватыкана прад'явілі абвінавачванні ў сэксуальных дамаганнях
Аўстралійская паліцыя прад'явіла абвінавачванні ў сэксуальных дамаганнях кардыналу Джорджу Пела, які ўзначальвае Сакратарыят па справах эканомікі Ватыкана.
Кардынал Джордж Пела ужо заяўляў, што адмаўляе ўсе абвінавачванні ў свой адрас
Абвінавачванні прад'яўленыя ў аўстралійскім штаце Вікторыя, дзе Пела служыў у 1970-я гады. Імёны пацярпелых і сутнасць абвінавачванняў не раскрываюцца.
Аўстралійская каталіцкая царква ўжо заявіла, што Пела катэгарычна абвяргае абвінавачванні і плануе з'явіцца ў суд, каб даць паказанні. Пасяджэнне суда ў Мельбурне прызначана на 18 ліпеня.
Раней Пела публічна абвінавачвалі ў тым, што ён спрабаваў дамовіцца аб хабары, каб схаваць дамаганні з боку Джэральда Рыдсдэйла — святара, якога з 1993 па 2013 гады неаднаразова асудзілі за злачынствы сэксуальнага характару супраць дзяцей. У 2017 годзе Рыдсдэйл прызнаўся яшчэ ў 20 злачынствах.
У 2016 годзе Пела па відэасувязі з Рыма даў паказанні перад спецыяльна створанай камісіяй па сэксуальных злачынствах супраць дзяцей. Затым аўстралійскія дэтэктывы дапыталі Пела ў Рыме датычна злачынстваў у Баларат, дзе жыў Рыдсдэйл.
Як адзначае ABC News, у іерархіі Каталіцкай царквы Пелла стаіць трэцім пасля Папы рымскага.
Паводле meduza.io