Пайшоў з жыцця Васіль Якавенка

Не стала беларускага пісьменніка, грамадскага дзеяча, эколага Васіля Якавенкі. Пра гэта паведаміў яго ўнук Ян Мачульскі.

Васіль Якавенка нарадзіўся 5 мая 1936 года ў вёсцы Пажыхар былога Васілевіцкага, цяпер Светлагорскага раёна Гомельскай вобласці, у сялянскай сям'і.
У 1980-я гады актыўна выступаў супраць вялікага меліярацыйнага праекта абвалавання і спрамлення рэчышча Прыпяці, асушэння яе шырокай поймы, што пагражала Беларусі пустыняй. У выніку праект меліярацыі поймы Прыпяці быў скасаваны, і адсюль пайшоў паварот да новай нацыянальнай палітыкі ў меліярацыі.
Васіль Якавенка заснаваў ГА Беларускі сацыяльна-экалагічны саюз «Чарнобыль» і актыўна ўдзельнічаў у раскрыцці наступстваў Чарнобыльскай катастрофы. У 1991 годзе стварыў і рэдагаваў да 1996 года сацыяльна-экалагічную газету «НАБАТ», якая карысталася сталым поспехам і падтрымкай далёка за межамі Беларусі.
Быў каардынатарам грамадзянскай ініцыятывы «Інстытут нацыянальнай памяці». У 2007 годзе рэдагаваў грамадскі бюлетэнь «Рэха ГУЛАГу». Ён актыўна выступаў з эсэ і публіцыстычнымі артыкуламі па пытаннях нацыянальнай беларускай спадчыны. Прапагандаваў этнакультурнае і нацыянальнае развіццё ў палітычным жыцці краіны.
У 1994 годдзе Васіль Якавенка стаў лаўрэатам альтэрнатыўнай Міжнароднай літаратурнай прэміі імя Ф.Нансена, а ў 2016 быў узнагороджаны медалём Францыска Скарыны.
Яго пяру належыць такія кнігі як “Крушэнне на ростані”, “Надлом”, “Прывіды Шанхая над Свіслаччу”, гістарычны раман “Надлом”, трылогія “Пакутны век”. 
«Новы час» смуткуе з нагоды смерці Васіля Якавенкі і выказывае шчырыя спачуванні яго родным і блізкім.