Беларусь увяла санкцыі ў дачыненні да расійскай бытавой хіміі

Дзяржстандарт забараніў увоз і абарачэнне на беларускім рынку асобных відаў шклоабмывальнай вадкасці, паведаміла прэс-служба камітэта.

Небяспечную прадукцыю выявіла Гомельская абласная інспекцыя Дзяржстандарту ў гандлёвай сетцы абласнога цэнтра.
У выніку праведзеных праверак, у тым ліку выпрабаванняў у акрэдытаванай лабараторыі, устаноўлены факты рэалізацыі адразу некалькімі арганізацыямі шклоабмывальных вадкасцяў расійскай вытворчасці, якія не толькі не адпавядаюць заяўленым у маркіроўцы уласцівасцям, але і ўяўляюць пагрозу здароўю спажыўцоў.
У прыватнасці тэмпература крышталізацыі у марак Clean Way -30 і RedLine -30 (вытворцы «Ивион» і «ИнтерТорг», пастаўшчык «АвтоКиликия», Мінск), Arctic Gleid -30 (вытворца «Мастер-Аква», пастаўшчык «Мотехсавтозапчасти», Мінск ) і Ice Drive -30 (вытворца «Ивента», пастаўшчык «Авто1-Гомель») апынулася ў 2—5 разоў вышэй заяўленых мінус 30 ° С.
Акрамя таго, у складзе шклоабмывальных вадкасцяў знойдзены метылавы спірт, аб наяўнасці якога вытворца не паведаміў у маркіроўцы. Доля гэтага кампанента ва ўзорах перавысіла ўстаноўленую ў Беларусі норму (не больш за 0,05 аб'ёмнага адсоткі) ад 118 да 181 разоў.
У цяперашні час праверкі шклоабмывальных вадкасцяў праводзяцца па ўсёй краіне.
У выніку выпрабаванняў, праведзеных у акрэдытаваных лабараторыях Магілёва і Брэста, знойдзены метылавы спірт у шклоабмывальнай вадкасці FrozOK -30 (вытворца «Авто-Химическая компания», Расія), аб наяўнасці якога вытворца таксама не паведаміў у маркіроўцы. Пастаўшчыкамі названай прадукцыі з'яўляюцца згаданыя раней «Мотехсавтозапчасти» і «АвтоКиликия». Доля гэтага кампанента ва ўзорах перавысіла ўстаноўленую ў Беларусі норму ад 173 да 452 разоў. Дадзеныя віды шклоабмывальнай вадкасці таксама забароненыя да ўвозу і абарачэння на рынку.
naviny.by