Колькасць стратных прамысловых прадпрыемстваў скарацілася

Згодна з звесткамі Нацыянальнага статыстычнага камітэта, колькасць стратных прамысловых арганізацый у Беларусі ў студзені-чэрвені 2019 года ў параўнанні з аналагічным перыядам 2018 года знізілася з 318 да 303 (на 4,7%), іх удзельная вага — з 19,8 да 18,8%.

Сума чыстай страты ўсіх стратных прампрадпрыемстваў знізілася на 63,2% да 278,3 млн рублёў, на адну стратную арганізацыю — на 61,4% да 918,4 тыс. рублёў.
Чысты прыбытак арганізацый на 1 ліпеня 2019 года склаў 4 млрд 4,2 млн рублёў, што на 86,9% больш, чым у студзені-чэрвені 2018 года. Прыбытак да падаткаабкладання склаў 4 млрд 925,7 млн (на 74,5% больш).
Прыбытак ад рэалізацыі вырас на 12,6% да 5 млрд 205,1 млн рублёў. Рэнтабельнасць продажу і рэалізаванай прадукцыі склала 8,5 і 10,7% адпаведна (у студзені-чэрвені 2018 года — 8,2 і 10,3%).
Выручка ад рэалізацыі прадукцыі, тавараў, работ, паслуг арганізацый краіны ў наяўных цэнах склала 61 млрд 242,3 млн рублёў, або на 8,8% больш, чым у студзені-чэрвені 2018 года.
Пры гэтым сабекошт рэалізаванай прадукцыі, тавараў, работ, паслуг павялічыўся на 8,2% да 48 млрд 625,1 млн рублёў.
Паводле Радыё Рацыя