Расія парушыла права ЕАЭС, забараніўшы пастаўкі шампіньёнаў з Беларусі

Еўразійская эканамічная камісія паведаміць Расію аб неабходнасці выконваць права ЕАЭС з-за ўвядзення Рассельгаснаглядам часовых абмежаванняў на пастаўкі шампіньёнаў з Беларусі, паведамляецца на сайце ЕЭК.

Сёння адбылося абмеркаванне пытання з удзелам беларускага і расійскага бакоў.
«Упаўнаважаны орган Расіі не мае права ўводзіць абмежаванні (забароны) на пастаўкі пэўных відаў прадукцыі з усёй тэрыторыі дзяржавы-члена, такая забарона не адпавядае палажэнням Дамовы аб ЕАЭС і перашкаджае свабодзе руху тавараў у саюзе», — сказана ў паведамленні.
Беларускаму боку прапанавана ўзмацніць кантроль за абаротам прадукцыі расліннага паходжання і выдачай фітасанітарных сертыфікатаў.
Нагадаем, увоз грыбоў з Беларусі ў Расію быў забаронены з 24 ліпеня ў сувязі з тым, што Рассельгаснагляд западозрыў адно з беларускіх прадпрыемстваў у рээкспарце забароненай да ўвозу ў РФ польскай прадукцыі.
З 30 ліпеня па 1 жніўня супрацоўнікі Рассельгаснагляду праінспектавалі ў Беларусі 9 прадпрыемстваў па вытворчасці шампіньёнаў на адпаведнасць аб'ёму грыбоў, што вырабляецца, да таго, што пастаўляецца на тэрыторыю Расіі. Тром кампаніям дазволілі пастаўляць шампіньёны ў РФ.
tut.by