Рассельгаснагляд зняў забарону на пастаўкі малака з трох беларускіх прадпрыемстваў

Рассельгаснагляд прызнаў страціўшым сілу ўказанне ад 13 лiпеня 2018 года, у адпаведнасці з якім забараняліся пастаўкі пітнога малака з трох прадпрыемстваў Беларусі, паведамляецца ў матэрыялах ведамства.

Гэта тычыцца «Мінскага малочнага завода N1», «Нясвіжскага завода дзіцячага харчавання», кампаніі «Данон Пружаны».
Забарона на пастаўкі з іх пітнога малака была ўведзена 16 ліпеня 2018 года з-за парушэння расійскіх ветэрынарна-санітарных патрабаванняў, у прыватнасці, з-за перавышэння долі нітратаў.
Рассельгаснагляд не тлумачыць прычыну зняцця абмежаванняў.
interfax.by