Амаль 60% рэкламы на дзяржаўным тэлебачанні Беларусі належыць заходнім кампаніям

На беларускім дзяржаўным тэлебачанні 58% рэкламных ролікаў належыць заходнім кампаніям, пераважна з ЗША, Германіі і Францыі, паведамляе «Еўрарадыё» са спасылкай на даследаванне арганізацыі «Libereco».


Больш за ўсё рэкламы размясцілі кампаніі «Mars» (61 рэкламны ролік), «Procter and Gamble» (51), «Henkel» (47) і «Sanofi» (45), «Queisser Pharma» (30), «Grindeks» (28), «Colgate-Palmolive» (27), «PepsiCo» (25).

У той жа час з дзяржаўнага тэлебачання Беларусі знікла рэклама «Carlsberg» (Данія) і «L’Oreal» (Францыя). Некаторыя заходнія кампаніі скарацілі сваю рэкламу на ТБ, у тым ліку ««Jacobs Douwe Egberts»», «Gedeon Richter» і «Nestlé». У апошняй кампаніі лічба зменшылася да 0,4% у лістападзе — з 9% у ліпені.

Арганізацыя « Libereco» правяла маніторынг рэкламы на дзяржканалах «Беларусь 1», АНТ і СТБ. Маніторынг ладзіўся 15-21 лістапада штодня з 19.00 да 22.00.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: