Азаранка: Колеры майго сцяга — зялёны і чырвоны

Вікторыя Азаранка, найлепшая беларуская тэнісістка, у адным з інтэрв'ю паразважала пра вынікі года. Яна адзначыла, што ёй спадабалася выступаць за зборную Беларусі ў Кубку федэрацыі.



"Я паляцела ў Японію гуляць на Кубку Федэрацыі, і мне так спадабалася. Хоць я заўсёды ганарылася тым, што прадстаўляю Беларусь, на гэты раз усё адчувалася яшчэ больш асаблівым. Мне спадабалася кожная хвіліна, развіваліся колеры майго сцяга — зялёны і чырвоны", — цытуе словы тэнісісткі "Прессбол".

Азаранка адзначыла, што год быў няпростым. У яе была "абсалютна новая каманда", а яна сама "яшчэ не адчувала сябе на корце". Аднак тэнісістка "пачала працаваць над сваёй падачай, спрабуючы вярнуць яе як галоўную зброю ў сваёй гульні".

Вікторыі Азаранцы 26 гадоў. Яна — былая першая ракетка свету. У рэйтынгу WTA беларуска займае 22-е месца.

Фота: БЕЛТА