Каронавірус у Беларусі. У Мінску пацверджаны першы выпадак штама «амікрон-ніндзя»

Пра выяўленне новага штама паведамляюць «Мінск-Навіны». Нагадаем, пра ўздым у Беларусі захворванняў на ковід колькі дзён таму казаў інфекцыяніст Мікіта Салавей. Дзяржаўная прапаганда, наадварот, рапартавала, што аніякага ўздыму няма.

Штам «ніндзя» або «амікрон 4/5» — гэта пятая лінія віруса, чарговая мутацыя з Паўднёвай Афрыкі, якая цяпер найбольш распаўсюджаная ў ЗША і Заходняй Еўропе.

Падабенства з японскімі сярэднявечнымі шпіёнамі-дыверсантамі ў тым, што вірус лепш сыходзіць ад імуннага адказу і ўхіляецца ад антыцелаў.

«Амікрон-ніндзя» можа пракрасціся ў арганізм так, што імунная сістэма яго проста не заўважыць, а адрэагуе толькі тады, калі віруса ў арганізме будзе ўжо занадта шмат.

Медыкі сталіцы рэкамендуюць прайсці вакцынацыю і рэвакцынацыю перад восеньскім сезонам вірусаў. Гэта асабліва актуальна для груп рызыкі.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: