Лайк па разнарадцы?
Практыка прымусовай падпіскі на друкаваныя дзяржаўныя СМІ цягнецца з савецкіх часоў і даўно нікога не здзіўляе. Але новы час — новыя выклікі. Карыстальнікам інтэрнэту, падобна, давядзецца прызвычайвацца да таго, што іх могуць па працы «папрасіць» падпісацца на тую ці іншую старонку ў сацыяльных сетках.
![00fb08b5c50f50b5d39ca44193ca6bef.jpg 00fb08b5c50f50b5d39ca44193ca6bef.jpg](/img/v1/images/00fb08b5c50f50b5d39ca44193ca6bef.jpg?f=f&h=396&o=0&u=1715395350&w=528)
Грамадскі актывіст Іван Шыла апублікаваў у фэйсбуку цікавы дакумент. Старшыні пярвічак Беларускага прафсаюзу работнікаў мясцовай прамысловасці і камунальна-бытавых прадпрыемстваў нібыта атрымалі ад кіраўніцтва разнарадку забяспечыць падпіску на старонку прафсаюза работнікаў жыллёва-камунальнай гаспадаркі.
Таксама іх просяць забяспечыць рэгулярнае наведванне старонкі і абавязкова ставіць сваю ацэнку (па змаўчанні — лайк) і дзяліцца навінамі (рабіць рэпосты). Для тых, хто не ў тэме, у дадатку — інструкцыя. Асаблівую ўвагу рэкамендуюць надаць навінам аб унясенні зменаў у Працоўны кодэкс.