Галасуе мама-дэпутат: гісторыя Лючыі Ранзулі і яе дачкі Вікторыі

Грамадства 10.04.2014

У ПАСЕ за суверэнітэт Украіны галасавалі не толькі дэпутаты, але і адна маленькая дзяўчынка Вікторыя. Яе мама Лючыя — дэпутат Еўрапарламента ад Італіі.

Лючыя Ранзулі пад час сесіі Еўрапарламента ў Старсбургу 19 лістапада 2013 года. Фота AFP PHOTO/FREDERICK FLORIN

У Еўропе новы трэнд, жанчыны пачалі хадзіць на працу з немаўлятамі. З большага гэта тычыцца тых жанчын, якія больш-менш набліжаны да палітычных структур ці Еўрапарламенту. Каб не губляць час на дэкрэтны адпачынак і не псаваць кар'еру, жанчыны бяруць дзетак з сабой.

У верасні 2010 года сенсацыяй стаў рэпыртаж агенцтва Reuters, героем якога стала 35-гадовая Лючыя Ранзулі, дэпутат Еўрапарламента ад Італіі. На пасяджэнне парламента Лючыя прыйшла са сваёй шасцітыднёвай дачкой Вікторыяй. Такім чынам яна хацела звярнуць увагу на складанасці, з якімі сутыкаюцца жанчыны, што спрабуюць сумяшчаць кар’еру і асабістае жыццё.

Гнуткія правілы Парламента ЕС дазваляюць матулям з'яўляцца на працы са сваімі дзецьмі. Па словах Лючыі, гэта быў вымушаны крок, паколькі яна не магла прапускаць сесіі і у той жа час карміла немаўля груддзю, — паведамляе .pixanews.com. Сваім учынкам Лючыя хацела прадэманстраваць, што на сённяшні дзень існуе яшчэ шмат невырашаных праблем мацярынства і, што «ёсць жанчыны, якія не маюць магчымасці ўзяць дзяцей на працу. Неабходна нешта рабіць, каб гэта сітуацыя змянілася».

Лючыя Ранзулі выйграла выбары ў 2009 годзе і з'яўляецца сябрам «Партыі Народнай свабоды» (Popolo della Libertà). Бацька Вікторыі, Рэната Керыолі, таксама з'яўляецца сябрам гэтай партыі. Магчыма дзяўчынка пойдзе па стапах бацькоў. Дарэчы, на вяселлі Лючыі І Рэната сведкам быў блізкі сябра мужа, Сільвіа Берлусконі.

Перш чым стаць палітыкам Лючыя працавала медсястрой у Мілане і ў Бангладэш, пасля ўзначаліла шпіталь, а зараз з'яўляецца чальцом камісіі па бяспецы навакольнага асяроддзя, здароўя і харчавання ў Старсбургу.

Лючыя Ранзулі пад час сесіі Еўрапарламента ў Старсбургу 22 верасня 2010 года разам са сваёй шасцітыднёвай дачкой Вікторыяй. Фота REUTERS/Vincent Kessler