МАРГ: Гандлёвыя сеткі возьмуць на сябе абавязацельства і будуць даваць зніжкі для пэўных груп насельніцтва

Міністэрства антыманапольнага рэгулявання і гандлю вядзе перамовы з гандлёвымі сеткамі, каб яны давалі зніжкі для некаторых груп насельніцтва. Пра гэта ў эфіры тэлеканала «Беларусь-1» заявіў кіраўнік ведамства Аляксей Багданаў, паведамляе «Еўрарадыё».

Падпісаць адпаведнае пагадненне паміж МАРГ і гандлёвымі сеткамі плануецца на пачатку 2022 года.

«Гандлёвыя сеткі возьмуць на сябе частку сацыяльных абавязацельстваў і будуць прадастаўляць зніжкі на сацыяльна значныя тавары для пэўных груп насельніцтва», — паведаміў міністр.

Па яго словах, гэты механізм дазволіць стрымаць інфляцыю і забяспечыць небагатыя слаі насельніцтва якасным таварам. Пагадненне павінна запрацаваць у сярэдзіне студзеня 2022-га, абяцае Багданаў.